Qaqugu sumilu: Arfininngorneq 24. septembari 2022 nal. 9.00-imit 17.00-imut Hotel Hans Egedemi. Aaqqissuussisoq: NSIP
Nuummi sulisartoqativut ukiut 15-it tikillugit pisortat inissiaataannik attartugassaminnik utaqqisariaqartarput. Tamanna ajorpoq.
Utaqqisarnerup sivikillineqarsinnaanera pillugu NSIP isumasioqatigiissitsiniarpoq – ilaatigut maani sanaartortut, aningaaseriviit / aningaasaliisartut kiisalu sulisartunut inissiaateqarnermik misilittagaqartut nalunngisatta Islandimit Danmarkimillu pisut saqqummiussueqataaffigisaannik.
Isumasioqatigiinneq inissamik utaqqisarnerup sivikillingaatsiarnissaanik kinguneqartariaqarpoq. Aamma inissianik inuuniarnitsinnut iluaqutaalluartunik akissarsiatsinnullu naleqquttumik akilersorsinnaasatsinnik sanaartortoqarnissaanut peqataarusuppugut. Taamaaliornikkuttaaq suliffissanik sanaartornermilu praktikkerfissanik pilersitseqataassaagut.
Nuummi sulisartut peqatigiiffitsinnut ilaasortaqativut suliffiutillillu isumasioqatigiinnermi peqataanissamut tikilluaqqusaassapput. Ullup qeqqanut sutugassaqartitsissaagut, aamma kaff eqarlunilu teeqassaaq.
Peqataaniarluni nalunaarfissaq: Kingusinnerpaamik 1. septembari 2022. E-mailikkut allaffigitigut uunga: nuuk@sik.gl
Aamma NSIP-p siulittaasua Josef Therkildsen saaffigisinnaavat tlf. 32 21 33 aqqutigalugu. Ullormut pilersaarut erseqqinnerusoq 1. septembarip kingorna piaarnerpaamik nassiunneqarumaarpoq.