SIK-mi sulisut nutaat

Aggustip aallaqqaataaniit kattuffiup Nuummi allattoqarfiani nutaanik sulisoqalerpoq suliassallu agguataarneqaqqillutik.

Dorthea Josefsen siunnersortitut sulilerpoq suliassaqarfigalugit Isumaginninnermut aningaasaateqarfiit aamma Sulinngiffeqarluni Angalanermut Aningaasaateqarfik.

Riikki Biilmann SIK-mut uterpoq sulisoqarnermi inunnut ataasiakkaanut tunngasunut siunnersortaassalluni. Riikki sulisartut kattuffianni sulinermik misiligartuujuvoq, tassa 2019-ip tungaanut ukiuni 13-ini tassani suligami. Maanna susassaqarfigiligai tassaapput suliffiit Kommune Qeqertalimmiittut aamma Qeqqata Kommunianiittut.

Tamanna pivoq ilaatigut siunnersortip Hans Peter Sikemsenip, aamma sulisoqarnermi inunnut ataasiakkaanut tunngasunik suliaqartup, upernaaq suliunnaarnerata kingunerisaanik. Aamma siunnersorti Dana Dahl, isumaginninnermut aningaasaateqarfinnut qinnuteqaatinik suliarinnittartoq, juulip naanerani Danmarkimut aallarpoq ilinniaqqikkiartorluni.

Taamaalilluni sulisut allat suliassaannik agguataarineq iluarsineqarportaaq. Tamanna pillugu paasissutissat atuarneqarsinnaapput una toorlugu: https://sik.gl/attavigitigut/sik-p-allattoqarfia/


Dorthea Josefsen.


Riikki Biilmann.