Sulisut sinniisaat SIK-mut atasut allattorsimaffiat iluarsisaq naapertorlugu taakku ullumikkut tassaapput nunatsinni tamarmi arnat angutillu 375-it. Taakku SIK-p Qaammarsaanermut Ilinniartitaanermullu Aningaasaateqarfiata akiligaanik pikkorissarneqartuartarput. Asseq una Qaqortumi pikkorissarnerit ilaannit pisuuvoq.
Sulisut SIK-p isumaqatigiissutai malillugit sulisuusut sinniisaat nunami tamarmi 375-iupput. Tamanna takuneqarsinnaavoq allattorsimaffimmi iluarsisami SIK-p nittartagaani immikkoortup ”Sulisut sinniisaat”-sa ataani pineqarsinnaasumi.
Sulisut sinniisaasa allattorsimaffiat taanna sapinngisamik qaammatit tamaasa iluarsineqartarpoq. Tassani allattorneqartarput sinniisut aqqi, suliffii illoqarfiillu (nunaqarfiillu) atuuffigisaat.
Suliffimmi sulisut SIK-p isumaqatigiissutai malillugit sulisuusut tallimaagunik akunnerminni sulisut sinniisaannik qinersisinnaapput (SIK-mut ilaasortaasumik).
► Sulisut sinniisaasa allattorsimaffiat februaari 2024-meersoq