Sapaatip-akunnerata matuma siuliani SIK Tasiilami eqqaanilu nunaqarfinni tallimani immikkut ittumik saqqumilaarpoq. Tassami kattuffiup siulittaasuata tullia Jokum Zeeb, allattoqarfimmi pisortaq Bjarne Petersen aamma siunnersorti Axel Lund Olsen tamaanga tikeraarput sulisartoqarneq pillugu paasisitsiniaallutillu oqaloqatiginnikkiartorlutik.
Sapaatip-akunnerata ingerlanerani illoqarfimmi sulisut sinniisaat ataatsimeeqatigineqarput suliffeqarfiillu arlallit pulaarneqarput. Kattuffiup angalatitai aamma Tasiilami sulisartut peqatigiiffiata ukiumoortumik ataatsimeersuarnerani peqataapput. Peqatigiiffimmi siulersuisut tassani qinigaasut assingat quppernermi matumani takuneqarsinnaavoq.
SIK sinerissamut angalatitaqaraangat innuttaasunik ataatsimiisitsisoqartaannarpoq. Tamatumuuna aamma taama pisoqarpoq. Tasiilami nunaqarfiinilu tallimani Kuummiuni, Kulusummi, Sermiligaami, Tiilerilaami Isertumilu innutaasut aggersarneqarput saqqummiussiffigineqarlutik, apeqquteqarsinnaatitaallutik SIK-llu soqutigisaqarfii pillugit oqaloqatigineqarlutik.
Tasiilami innuttaasut ataatsimiisinneqarnerannit.
Kuummiuni innuttasut ataatsimiisinneqarneranni peqataasuaraq.
Tasiilami sulisartut peqatigiiffiata siulersiuisortaavi: Ulrikka Jensen, Justine Kalia, Saalu Mathiassen, Jakobine Uitsatikitseq aamma Bente-Marie Thorning.
Kulusummi innuttaasut ataatsimiisinneqarnerannit.