Suliffinnut pulaarnerit, sulisunik naapeqateqarnerit, innuttaasunik ataatsimiisitsineq inunnillu naapitanik oqaloqatiginninnerit. Tamakkuupput SIK-mit aallartitat Upernavimmut nunaqarfiisalu ilaannut pingasunut qanittukkut tikeraarnerminni ingerlataat.
Qulaani asseq: Angalaqatigiit tallimat, saamerlermit: Siunnersorti Axel Lund Olsen, allattoqarfimmi pisortaq Bjarne Petersen, praktikanti Aviaq Petersen, SIK-p siulittaasuata tullia Jokum Zeeb aamma sulisartut peqatigiiffianni siulittaasoq Ane-Marie Havmøller-Jørgensen.
Taamaalilluni Upernaviup eqqaatalu isorartoqisup ilangaatsiarsua SIK-rmiunit angalaffigineqarpoq. Tikeraarneqartut tassaapput nunaqarfiit Kullorsuaq (Upernavimmit 250 km-inik avannarpasinnerusoq) illoqarfimmullu qaninnerusut marluk Tasiusaq aamma Innaarsuit.
Innaarsunni Royal Greenlandip aalisakkerivianut pulaarnermit, tassani sulisut ataatsimeeqatigineqarlutik.
Kullorsuaq.
Upernavik.
Tasiusaq.
Upernavimmi utoqqaat illuannut pulaarnermit, tassani SIK-p siulittassuata tullia Jokum Zeeb sulisunik oqaloqatiginnilluni.