Paasissutissiineq: Sulisut akissarsiaat atugarisaallu pillugit 2026-mi isumaqatigiinniarnissat SIK-p allattoqarfiani maanna aallartinissarneqarput. Tamanna pivoq isumaqatigiissutit ataasiakkaat 2026-mi atorunnaartussat nutarterneqarnissaanni qanoq piumasaqarnissamik siunnersuutinik katersinikkut.
Isumaqatigiissuteqarfiit siunnersuutinik katersiffiusut matuma ataani taagorneqartut ukioq manna aggustimut killeqarallarput, sulili ilassaqarput, tassa aappaagu isumaqatigiinniarnissat amerlanerusussaammata.
Kikkut siunnersuuteqarsinnaappat?
Sulisartut peqatigiiffiannut ilaasortaasut kikkulluunniit tamarmik allannguutissanik pitsanngorsaatissanillu siunnersuuteqarsinnaapput. Immikkoortukkuutaarlugit ukuupput:
- SIK-mi peqatigiiffiit
- Sulisut sinniisaat
- Ilaasortat ataasiakkaat allat
- Aammattaaq suli ilaasortanngorsimanngitsut ilaasortanngoriarlutik siunnersuuteqarsinnaapput.
Siunnersuutit e-mailikkut nassiunneqarsinnaapput uunga: [email protected]
Isumaqatigiissuteqarfiit:
1. SIK – Namminersorlutik Oqartussat
Piumasarineqartussanik katersineq piffissami uani pivoq: 11. marsimit 15. juuni 2025 ilanngullugu.
► Isumaqatigiissutit atuuttut assigiinngitsut tassani pineqartut arlalissuupput. Una toorlugu tamarmik takuneqarsinnaapput
2. SIK – Namminersorlutik Oqartussat, Kalaallit Nunaanni Teknikerit pillugit
Piumasarineqartussanik katersineq piffissami uani pivoq: 9. maajimit til 6. juuni 2025 ilanngullugu.
► Una tooruk isumaqatigiissut atuuttoq takujumallugu
3. SIK – Skattestyrelsen / Finansministeriet (Danmarkip Naalagaaffia)
Isumaqatigiissuteqarfiit:
1) Niuernermi sulisut
2) Umiartortut nalunaaquttap-akunnermusiallit
Piumasarineqartussanik katersineq piffissami uani pivoq: 9. maajimit 6. juuni 2025 ilanngullugu.
► Una tooruk isumaqatigiissutit atuuttut takujumallugit
4. SIK – Grønlands Erhverv (suliffiutillit peqatigiiffiat)
Isumaqatigiissuteqarfiit:
1) Niuernermi allaffimmilu sulisut
2) Kiffartuussineq assartuinermilu sulisut
3) Tunisassiortut aamma sanaartortut, VVS, innaallagisserisut, entreprenørit nal. akunnermusiaqarlutik sulisut
Piumasarineqartussanik katersineq piffissami uani pissaaq: 2. juunimit 30. juuni 2025 ilanngullugu
► Una tooruk isumaqatigiissutit atuuttut takujumallugit
5. SIK – Royal Arctic Line A/S, Terminalini sulisut, nal. akunnermusiallit ilinniagallit ilinniagaqanngitsullu
Piumasarineqartussanik katersineq piffissami uani pissaaq: 4. aggustimit 22. aggusti 2025 ilanngullugu.
► Una tooruk isumaqatigiissut atuuttoq takujumallugu