SIK sulisartut kattuffiattut nalliuttorsiornermini kisiartaanngilaq. Ukioq 2026 aamma sulisartut peqatigiiffiinut arlalinnut 1956-imi juulimi Grønlands Arbejdersammenslutningip (GAS) pilersinneqarnerata siornatigut kingornatigullu pilersinneqartunut nalliuttorsiorfiuvortaaq.
Nalliuttorsiortut pisoqaanersaraat Qaqortumi peqatigiiffik ukiut 80-it matuma siornatigut pilersinneqartoq, tassa ulloq 25. januaari 1946.
SIK-p Nakkutilliisoqarfiata ataatsimiinnerata naammassilernerani siulittaasup tulliata Sofie Svendsenip tamanna malunnartippaa ataatsimiigiat ilaat peqatigiiffinnit akunnaatsuliisunit pisut tunissuteqarfigalugit.
Assimi qulaaniittumiipput peqatigiiffiit akunnaatsuliisut aallartitaasa amerlanersaat – saamerlermit:
- Arne Møller Qaqortumi peqatigiiffimmit ukioq manna ukiunik 80-iliisumit.
- Gaba Rosbach Qasigiannguani peqatigiiffimmit ukioq manna ukiunik 70-iliisumit.
- Magdaline B. Svendsen Upernavimmi peqatigiiffimmit ukioq manna ukiunik 70-iliisumit.
- Sussi P. Mikaelsen Paamiuni peqatigiiffimmit siorna 2025-mi ukiunik 70-iliisumit.
- Frederik Kristiansen Uummannami peqatigiiffimmit ukioq manna ukiunik 75-iliisumit.
- Ulrik Lyberth Kangaamiuni peqatigiiffimmit 2026-mi ukiunik 65-iliisumit.
- Narsami sulisartut peqatigiiffiat aamma ukioq manna ukiunik 70-iliivoq.