Pikkorissarnerit sulisut sinniisuinut sulisartoqarnermullu nukittorsaatit.
2026-mut pilersaarutit:
Pikkorissarnerit seminaarillu
Sulisut sinniisuisa nutaat pikkorissarneri
Ulluni 1. – 5. juuni
Sumi: Sulisartut Højskolianni, Qaqortumi
► Peqataaniarnissaq matuvoq – kisianni pikkorissarneq pillugu paasissutissat atuarumallugit una tooruk
Ulluni 21. – 25. septembari
Sumi: Hotel Arctic-imi, Ilulissani
► Una tooruk peqataaniarluni immersugassaq immersorumallugu
Ulluni 5. – 9. oktobari
Sumi: Hotel Arctic-imi, Ilulissani
► Una tooruk peqataaniarluni immersugassaq immersorumallugu
Nunap ilaani seminaarit
Ulluni 8.- 10. juuni
Qaqortumi, Narsami Nanortalimmilu nunaqarfinnilu taakkua eqqaamiuini sulisut sinniisui tamarmik
Sumiiffik: Sulisartut Højskoliat, Qaqortoq.
► TAKUUK! Seminaari piffissaligaanngitsumik taamaatinneqarallarpoq. Kingusinnerusukkut ilisimatitsissaagut
Ulluni 15.-17. juuni
Tasiilami nunaqarfinnilu eqqaamiuini sulisut sinniisui tamarmik
Sumiiffik: Hotel Ammassalik, Tasiilaq.
► TAKUUK! Seminaari piffissaligaanngitsumik taamaatinneqarallarpoq. Kingusinnerusukkut ilisimatitsissaagut
Ulluni 28. – 30. septembari
Nuummi aamma Paamiuni nunaqarfinnilu taakkua eqqaamiuini sulisut sinniisui tamarmik.
Sumiiffik: Hotel HHE, Nuuk.
► Qaaqqusissummik nassinneqarumaarput
Pikkorissarnerit pillugit saaffigisassaq:
Siunnersorti Marie Kielsen Hansen
e-mail [email protected]
telefoni 32 21 33
Pikkorissarnerni seminaarinilu peqataasut sunut akiliunneqassappat?
Pikkorissarnernut seminaarinullu tunngatillugu SIK-p makku akilissavai:
- Bilitsit
- Aqqutaani unnuinerit nerisaqarnerlu
- Pikkorissariarfigisami ineqartitaaneq nerisaqartitaanerlu
- Ullormusiat
- Sulisup angalanermini akissarsiaqannginnissaa sulisitsisup aalajangersimappagu akissarsiatigut annaasaqaatit akilernissaat
Sulisut sinniisuisa pikkorissarneri nutaamik aaqqissuussat
Aaqqissuussinerit assigiinngitsut marluussapput: 1) Sulisut sinniisuisa nutaat pikkorissarneri (pisarnertut peqataaniarluni nalunaarfigisassat), aamma 2) Seminaarit nunap ilaanut atuuttut, nunap ilaani pineqartuni sulisut sinniisuisa tamarmik qaaqquneqarfigisassaat.
2026-mi seminaareqarnissat nunap ilaannaani ingerlanneqassapput. Ukiumili tassani nunap ilai taamatut seminaareqarfiunngitsut 2027-mi seminaareqarfiujumaarput.
Taamalu 2026-mi pikkorissarnerit/seminaarit makku pilersaarutaapput:
Sulisut sinniisuisa nutaat pikkorissarneri:
2026-mi sulisut sinniisuisa nutaat pikkorissarneri pingasut ingerlanneqassamaarput Kitaamiunut tunngatillugit. Imaappoq Qaanaarmiut, Tasiilarmiut aamma Ittoqqortoormiormiut pikkorissarnerni taakkunani peqataassanngillat, kisianni nunap ilaani seminaarinut 2026/2027-mi pisusssanut qaaqquneqassallutik.
Sulisut sinniisuinik nutaanik taaneqartut tassaapput sulisut sinniisui 2025-mi aamma 2026-mi qinigaasimasut.
Pikkorissarnerit taakkua taaguutigaat: Sulisut sinniisui.
Pikkorissarnerit taakku tamarmik ullunik 5-inik sivisussuseqassapput pingaartumik makkuninnga sammisaqarfiussallutik:
- Inuttut ineriartorneq
- Saqqummeeriaatsit
- Aporaannernik iluaqutinngortitsineq
- Sulisut sinniisuisa pisinnaatitaaffii pisussaaffiilu
- Sulisut sinniisuata suliffimmi SIK-mullu tunngatillugu inissisimanera
- Isumaqatigiissutinik ilisimasassat
- Ilaasortassarsiorneq
Pikkorissarnerit uku 2026-mut pilersaarutaapput:
1. – 5. juuni: Sulisartut Højskolianni, Qaqortumi.
Pikkorissaasut: Susanne Olsen, SIK-p allattoqarfia, aamma Malene Jensen, MJ Consult
21. – 25. septembari: Hotel Arctic-imi, Ilulissani.
Pikkorissaasut: Susanne Olsen, SIK-p allattoqarfia, aamma Malene Jensen, MJ Consult
5. – 9. oktobari: Hotel Arctic-imi, Ilulissani.
Pikkorissaasut: Nuunu J. Jerimiassen, SIP Ilulissat, aamma Malene Jensen, MJ Consult
Nunap ilaani seminaarit (paasiniaaqatigiinnerit):
Nunap ilaani pineqartumi sulisut sinniisui tamarmik seminaarimi peqataaqqullugit qaaqquneqassapput.
Seminaarit tamarmik ulluni pingasuni ingerlanneqartassapput.
Seminaarini taakkunani paasiniaaqatigiiffiusuni/isumasioqatigiiffiusuni sammisassat sulisut sinniisuinut soqutiginaateqartut qaqinneqartassapput, sulisut sinniisuisa suliffinni pisinnaatitaaffii pisussaaffiilu qitiutillugit.
Seminaarit uku 2026-imut pilersaarutaapput:
8.- 10. juuni: Qaqortumi, Narsami Nanortalimmilu nunaqarfinnilu taakkua eqqaamiuini sulisut sinniisui tamarmik.
TAKUUK! Seminaari taanna piffissaligaanngitsumik taamaatinneqarallarpoq. Kingusinnerusukkut ilisimatitsissaagut
15.-17. juuni: Tasiilami nunaqarfinnilu eqqaamiuini sulisut sinniisui tamarmik.
TAKUUK! Seminaari taanna piffissaligaanngitsumik taamaatinneqarallarpoq. Kingusinnerusukkut ilisimatitsissaagut
28. – 30. septembari: Nuummi aamma Paamiuni nunaqarfinnilu taakkua eqqaamiuini sulisut sinniisui tamarmik.
Sumiiffik: Hotel HHE, Nuuk.
Pikkorissaasut: Susanne Olsen aamma Marie Kielsen Hansen, SIK-p allattoqarfia.
Peqataaniarneq:
Sulisut sinniisaasa nutaat pikkorissarnissaannut:
Peqataarusuttut peqataaniarluni immersugassaq SIK-p nittartagaaniittoq immersorlugulu nassiutissavaat.
Seminaarimut:
Piffissanngorpat nunap ilaani pineqartumi sulisut sinniisui tamarmik qaaqqusissummik nassinneqassapput. Peqataarusuttullu SIK-p allattoqarfianut nalunaassapput
