Ukiorpassuarni sulisartoqarnermi suliaqarsimasoq aammalu immikkoortortaqarfimmi Maniitsumi siulersuisunut ilaasortaasarsimasoq siulittaasuusimasorlu, kiisalu ukiorpassuarni SIK-mi siulersuisuunernut ilaasortaasimasoq SIK-milu allattuunerusimasoq Ane Skifte sisamanngormat 5. aggusti 2021 toqukkut qimaguppoq.
Ane Skifte sulisartut atugarissaarnerulernissaannik ilungersuuteqartuarsimavoq. Immikkoortortaqarfimmilu siulittaasuunermini immikkoortortaqarfiup pitsaasumik ingerlanneqarnissaa minnerunngitsumillu aningaasatigut pitsaasumik inissisimanissaa maligassiuilluarluni sulissutigiuarsimavaa. Sulisartut aningaasaataasa immikkoortortaqarfinni atorfissaminnut atorneqarluartarnissaat assut pingaartitarisimavaa.
SIK-mi allattuunertut inissisimanermini isumaqatigiinniarnernut peqataasarnermini ilaasortatta atugarissaarnerulernissaat anguniarlugu annertuumik qimoqataasarsimavoq. Aammattaaq kattuffiup aningaasaqarnerata pitsaavallaanngitsumik inissisimanerata nalaani aningaasatigut patajaatsumik inissisimalernissaa pingaartitaasa annertuut ilagisimavaat.
Soraarnerussutisiassanut aningaasaateqarfiup SISA-p pilersinneqarnissaa SIK-mi allattuunerunermi nalaani peqataaffigisimavaa.
Ane Skiftep ilisarnaataasa ilagaat siunniussaqaarangami malartitassaarpiarneq ajortarnini. Siunniussani angorusutanilu killissaa tikillugu uteriisissutigalugit anguniartarpai, sulisartut suliffeqarfinni ataqqineqarlutik pitsaasumik pineqarnissaat pingaartittaqalugu.
Ane Skifte sapaatiummat 8. aggusti 2021 ilisaavoq.
Ane Skiftep eqqaaneqarnera ataqqinartuuli.
Jess G. Berthelsen
Kattuffiup siulittaasua