Nunat Atlantikup avannaamiuisa sulinermik inuussutissarsiuteqartuisa suleqatigiiffiata (NAASIS) Torshavnimi ataatsimiinneranit.
Nunat Atlantikup Avannaaniittut Sulinermik Inuussutissarsiuteqartuisa Suleqatigiiffiat (NAASIS) aggustip qiteqqunnerani Torshavnimi ataatsimiippoq, tassanilu SIK-p siulersuisuuneri peqataapput, taamatullu aamma Islandimiut Savalimmiormiullu.
Soqutigisat ataatsimoorussat assigiinngitsut oqaloqatigiissutigineqarput, nunallu tamarmik tamarmik immikkut pingaartitaminnik ilisimatitsissuteqarput. Taamalu aamma SIK-p siulittaasua Jess G. Berthelsen katersorsimasunut oqalugiarpoq.
Atlantikup avannaamiuisa suleqatigiiffianni ataatsimiinnissaq tulliuttoq 2025-mi pissaaq, Islandimi.
Taamaalilluni SIK-p siulersuisuunerisa ukioq manna ataatsimiinnerisa pilersaarutaasut pingajussaat aamma Torshavnimi pivoq. Taamatuttaaq Qaammarsaanermut Ilinniartitaanermullu Aningaateqarfiup aamma Sulinngiffeqarluni Angalanermut Aningaasaateqarfiup siulersuisui ileqquusumik ataatsimiipput.
SIK-p siulersuisuuneri Nuummiunngitsoq sumiiffimmi allami ataatsimiikkaangamik ornikkaminni inuiaqatigiinni sulisoqarnermilu pissutsinik paasiniaallutik ataatsimeeqateqartaannarput. Tamatumuuna aamma taamaaliorput, tassa Savalimmiuni nunanut allanut inuussutissarsiornermullu naalakkersuisoq Høgni Hoydal ataatsimeeqatigigamikku. Savalimmiut nunanatut namminersortunngorniarnerat inuussutissarsiornermilu sutigut ineriartortitsisoqarniarnersoq tassani oqallisigineqarput.
Siulersuisuunerit aamma ataatsimeeqatigaat Høgni Hoydal, Savalimmiuni nunanut allanut inuussutissarsiornermullu naalakkersuisoq (assimi talerperlerni qiterliusoq).
Jess G. Berthelsen Atlantikup avannaamiuisa sulisartoqarnikkut suleqatigiiffianni oqalugiartoq.
Tinganes, Savalimmiuni naalakkersuisoqarfik.