Nutaarsiassat oqaaseqaatillu

Kalaallit Nunaanni sulisut kattuffiisa tallimat siulittaasuisa ataatsimoorlutik oqaaseqaataat: Kingumut USA-p præsidentia oqariartorpoq nunarput tigorusullugu piariaqartillugulu. Uagut nunatsinnut asannittut avataaninngaanniit tiguniarneqarnerput akuersaanngilluinnarparput! Kattuffiit ataatsimoorluta aammaarluta isumaqarpugut pingaaruteqarluinnartoq nunarput ataatsimoorfigissallugu, ataatsimut nipeqarluta… Nangiguk »Nunarput asangaagarput ataatsimoorfigisariaqarparput

Kanngusuppunga nunarput asangaagarput ataatsimoorfigisinnaannginnatsigu. (SIK-p siulittaasuata oqaaseqaataa). Kingumunaasit USA-p præsidentia oqariartorpoq nunarput tigorusullugu. Uagut nunatsinnut asannittut avataaninngaanniit tiguniarneqarnerput akuersaanngilluinnarparput. Eqqaamasariaqarparput illersorneqarnissarput pillugu USA sakkutooqarnikkut maani nunami qanorluunniit iliorsinnaammat. Aamma inatsisit… Nangiguk »Kanngusuppunga

Sulisut sinniisuisa pikkorissarneri 2026-mit nutaamik aaqqissuunneqassasut SIK-p Qaammarsaanermut Ilinniartitaanermullu Aningaasaateqarfiata siulersuisuisa aalajangiuppaat. Aaqqissuussinerit assigiinngitsut marluussapput: 1) Sulisut sinniisuisa nutaat pikkorissarneri (pisarnertut peqataaniarluni nalunaarfigisassat), aamma 2) Seminaarit nunap ilaanut atuuttut, nunap ilaani pineqartuni sulisut sinniisuisa… Nangiguk »Sulisut sinniisuisa pikkorissarneri nutaamik aaqqissuussat

SIK-p feriefondianit angalanissamik qinnuteqaraanni taannalu nunanut allanukassutigerusullugu, maannamut Københavnimukarnissaq toqqagassatuaagaluarpoq. Maannali – angallannikkut periarfissat nutaat atulermata – aammattaaq nunatsinnit toqqaannartumik Billundimut, Aalborgimut imaluunniit Islandimi Keflavikimut timmisartornissaq toqqagassaalerpoq. Tamanna atuuppoq ukioq allortarlugu akiliunneqarluni… Nangiguk »Ornigassat toqqagassat nutaat pingasut

Ukiut ingerlanerini sulisut sinniisaasa pikkorissartarsimasut ilamininngui. Peqatigiiffiit tamarmik periarfissaqalerput innersuussinissaminnut ”2025-mi sulisunut sinniisutsialammik”. Toqqaanissaq aallaaveqassaaq SIK-mi peqatigiiffiit inassuteqarnerannik.  Toqqaasoqarnissaanut makku pingasut piumasaqaataapput:  Ukiup sinniisuatut innersuussinissamut piffissamut killigitinneqarpoq 5. januaari 2026.  Innersuussineq uunga… Nangiguk »Ukiumi 2025-mi sulisut sinniisuat

SIK-p 24-ssaanik ataatsimeersuarnerani ulluni 29.-31. oktobari 2025 pisumi aalajangiinernik imaqarniliaq sapaatip-akunnerani qaangiuttumi nassiunneqarpoq – taamaalillutillu kattuffiup iluani susassaqartut tamarmik suut oqallisigineqarlutillu aalajangiivigineqarsimanerannik eqqaamassutissinneqarput. Imaqarniliaq quppernerup matuma ataani aaneqarsinnaavoq. Taamatullu aamma… Nangiguk »Ataatsimeersuarneq malittareqqillugu

Nuummi nikittut: NSIP-p allaffianut matuersaat Sofie Svendsenip siulittaasutut paarlatsiminut Peter B. Mølgaardimut tunniuppaa. Martin Egede, Narsaq Dorthinnguaq Brønlund, Qaqortoq Jens Nuka Poulsen, Tasiilaq Pualuna Kivioq, Qaanaaq Soorlu ilaasa paasereersimassagaat ukialerneranit… Nangiguk »Arlalinni siulittaasortaarput

Asseq: SIK-p siulersuisuunertaavi. Saarliit: Siulittaasoq Jess G. Berthelsen, siulittaasup tullia Sofie Svendsen. Tunorliit saamerlermit: Jens Nuka Poulsen, Benjamin Kielsen, Pualuna Kivioq, Ane-Marie Havmøller-Jørgensen, Qulutannguaq Berthelsen, Else Jonna Lange aamma Nuunu Jerimiassen.… Nangiguk »SIK-p ataatsimeersuarnera naammassilluarpoq

Ukiumi feeriarfiusumi 2026-ni angalanissanik Ferieondimi makitsisoqaqqammerpoq. Qinnuteqaatit atorsinnaasut 656-it makitsinermi peqataatinneqarput, taamalu inuit 258-it makitaallutik. Tamatuma saniatigut qinnuteqartut ilaat utaqqisunut ilanngunneqarput, taamaalillutik makitaasimasut ilaat angalanissaminnik atuinngitsuussagaluarpata angalanissaminnut periarfissaqalerlutik. Pisarnertut makitsineq… Nangiguk »2026-mi angalanissanik makitsineq

Sulinermik Inuussutissarsiuteqartut Kattuffiat (SIK) ileqquusumik ataatsimeersuarniarpoq ulluni 29.- 31. oktobari 2025 Hotel Arctic-imi, Ilulissani. Taamaalilluni sulisartut kattuffiat ukiuni atuuffimmini 69-ini 24-ssaanik ataatsimeersuassaaq (Grønlands Arbejder Sammenslutning, GAS, kingorna SIK-nngortoq, juulimi 1956-imi… Nangiguk »SIK 24-ssaanik ataatsimeersualerpoq