Debora Elisasen ulloq 19. aggusti Paamiuni sulisartut peqatigiiffianni siulersuisoqatiminut nalunaarpoq taamaatilluni, tassa siulersuisooqataajunnaarluni.
Debora qinigaaffimmi kingullermi sulisartut peqatigiiffianni siulittaasuuvoq, ukioq manna Sussi P. Mikaelsenimit kingoraarneqarnissami tungaanut.
Soraarninngorluni suliunnaarami aamma peqatigiiffimmi siulersuisunit taamaatinniarluni nalunaarmat qujassummik tunissuteqarfigineqarpoq.
”Tippo ukiorpaalunngortuni sulisartoqativut kattuffillu pillugit suliaqarsimaqimmat qutsavigalugu oqalugiarfigilaarpara,” Paamiuni peqatigiiffiup siulittaasua Sussi P. Mikaelsen assimik nassiussiitigaluni taama SIK-mut nalunaarpoq.