Ilulissani sulisartut peqatigiiffianneersut Brugsenip paarliani. Saamerlermit: Royal Arctic Line-mi sulisut sinniisaat Elias Brandt, SIP-p siulittaasua Else Jonna Villadsen aamma Unganartumi sulisoq Mette Marie M. Lennert.
Tallimanngornermi 1. oktobari 2021 nal. 15.00-imit 17.30-p tungaanut Ilulissani sulinermik inuussutissarsiuteqartut peqatigiiffianneersut pingasut Brugsenip paarliani nerrivilerlutik inunnut sassarput SIK-mut ilaasortaaneq pillugu paasissutissanik tunioraallutillu oqaluttuarnissaminnut piareersimallutik.
Ilaasortaareersunut ilaasortanngorusuttunullu inussiarnisaarutit alutorineqavipput: Puussiat ninngusuut pisiniarfiliartaatit naqitaaqqanik paasissutissanik, inukkanik meeqqanullu mamakujuttunik balloninillu imallit.
“Nuannisaqaagut, ataatsikkoortoorluta uisakajaangajakkaluarpugut,” Ilulissani SIP-p siulittaasua Else Jonna Villadsen oqaluttuarpoq.
Taamatut inunnut sassarneq sunniuteqarluarpoq: Ualeq taanna ilaasortat 27-nik ilapput, ullunilu tulliuttuni suli aamma pingasut ilaasortanngornermut immersugassamik immersuillutik – taamalu ualeq taanna suliniarneq taamalilluni SIK-mut ilaasortat 30-nik ilanerannik kinguneqarluni.
Sinerissap ilaani allami tamatumunnga assingusumik iliuuseqartoqassamaaruni atortussanik naqitaaqqanik tunissutissaalunnillu qulaani taaneqartunik SIK-p allattoqarfianut piniartoqarsinnaavoq – SIK-p allattoqarfianit sapinngisatsinnik ikiuunniarumaarpugut.