Kalaallit Nunaanni Ilinniartut atukkamikkut pitsaanerusumik atugaqarnissaat kialuunniit innarligassarinngilaa, tassami nunatsinni ilinniartorpassuaqarpoq ineqarnikkut aningaasatigullu inissisimanerluttorujussuarnik.
Ilinniartorpassuaqarpoq INI A/S-ip aammalu Iserit-ip inissiaataanni najugaqartunik, taakkualu tassaapput aningaasatigut ikiortariaqartut, kisiannili inissiat inuussutissallu akitsoraluttuinnarnerat pitsanngorsaataanngilluinnartutut taasariaqarpoq.
Ineqarnerit akitsorlugillu piniarutsigit taava ilinniaqqusineq unitsinniarli, ilinniartutummi aningaasarsiaqassagaanni taava imminut akilersinnaanngilaq INI A/S aammalu Iserit aqqutigalugit ineqassagaanni. Kalaallit Nunaanni ilinniarsimasut pisariaqartinneqartuassappata, taava atukkamikkut pitsanngorsaavigineqaqqaartariaqarput.
Inussiarnersumik
SIK-p Inuusuttai
Peter B. Mølgaard, siulittaasoq
+299 22 21 38