Inooqataasutut pisussaaneq – aamma Covid-19-imut akiuussutissamik kapuinermut tunngatillugu

Kalaallit Nunaanni sulisut kattuffii 2020-mi upernaakkut Covid-19 atuutileruttormat inunnut kajumissaarisarsimapput inuiaqatigiinni inooqataasutut pisussaanermik takutitseqataaq­qul­lu­git, pingaartumik oqartussaasut coronavirusimik siaruatsaaliuinissaq pillugu inassutaannik kikkut tamarmik maleruaanerisigut.

Kajumissaarineq tamanna SIK-p nangeqqikkusuppaa Covid-19-imut akiuussutissamik kapuui­nermut maanna nunatsinni ingerlan­neqartumut tunngatillugu. Ilisimaaralutigu kapitinnissaq neqeroorutaasoq inuit ataa­siakkaarlutik namminneq aaliangiiffigisassaat, SIK-p ilaasor­tani sulisullu allat ilungersorluni kajumissaarutigerusuppaa akiuussutissamik kapiteqqullugit.

Tassami aalajangigassaq tamanna inunnut ataasiakkaanuinnaq tunnganani aamma inuiaqa­ti­giinnut tamarmiusunut tunngassuteqarluinnarpoq. Tamatumani ilisimasaqarneq tunngavi­ga­­lugu iliuuseqartarnissaq pisariaqarpoq – uippallernani, aammalu akiuussutissap sunniu­ti­pilugisinnaasaanik tusatsiakkat illuinnaasiortut sunnertiffigivallaarnagit.

Peqqinnissaqarfimmi oqartussaasut isumatusaarlutik akiuussutissamik toqqaasimanerat ta­ti­gaarput – nappaat tunillaassortoq sapinngisamik siaruatsaaliniarlugu akiuussutissarlu ator­neqartoq sapinngisamik sunniutipilui minnerpaaffissamiitinniarlugit, taamalu innuttaasut killilersugaanatik katersuuttarsinnaaqqullugit inuiaqatigiinnilu sammisassaminnik ingerlata­qar­sinnaaqqullugit.

Piffissami immikkut ittumi matumani nappaatip tunillaassortup atuuffigisaani nammaqati­giil­­­lutalu suleqatigiissinnaanerput takutitsigu, ataqqeqatigiilluta – pissusissamisoortumik inuu­nerput pisinnaanerpullu coronap siorna atuuttoq piaarnerpaamik uterfigeqqissinnaa­ler­niassagatsigu.

Jess G. Berthelsen,
SIK-p siulittaasua