SIK-p isumaqatiginninniartartuisa KNI-mik isumaqatigiissut nutaaq naammagisimaarpaat sulisut ukiuni tulliuttuni marlunni malunnaatilimmik akissarsiarissaarnerulersussaammata.
Asseq aasaq manna juulimi isumaqatigiissutip atsiorneqarneranit pisuuvoq, SIK-p siulittaasuata Jess G. Berthelsenip assiliseqatigigai taamani adm. direktøriusoq Jeppe Jensen (saamerleq) aamma maanna adm. direktøriugallartoq Peter Wistoft.
Isumaqatigiissut pingaarnersiorlugu makkuninnga imaqarpoq:
- Piffissaq isumaqatigiissutip atuuffissaa: Ukiuni marlunni atuutissaaq.
- Akissarsiat ukiumut qaffaatigisassaat: Ukiumut 2,5 procentinik qaffattassapput.
- Soraarnerussutisiassat: Soraarnerussutisiassanut toqqortikkat 1. apriili 2026-mit 1 procentimit annerulaartumik amerlineqassapput.
- Pitsanngoriaatit katillugit: Ukiut marluk ingerlaneranni pitsanngoriaatit katillugit 6 procentinit amerlanerussapput. Pitsanngoriaatit malitsigisaat assigiinngitsut, soorlu feriepenget, ilanngullugit naatsorsuigaanni akissarsiat 7 procentit missaannik qaffassapput.