Skip to content

Kuannersuarni aatsitassarsiorfiliariniagaq pillugu apeqqutit akissutillu

Kuannersuit pillugu qaqugu aalajangiisoqassava? Qinngornernik ulorianartoqarpa? Aatsitassarsiorfik matuneqartussanngorpat qanoq pisoqassava? Tassa apeqqutit ilaat Greenland Minerals-imit – aatsitassarsiorfiliariniakkamik ingerlatsisuusumit – allakkiami akineqartut.

Kuannersuarni suliassaq aatsitassanik qaqutigoortunik nunarsuarmi sillimmatit uppernarsagaasut arlaannaannulluunniit attuumassuteqanngitsut annersaannik akoqarpoq. Aatsitassat ilaatigut anorisaatini aamma biilinut innaallagiatortuni atorneqarput.

Taamaattumik taakkua nunarsuarmi piujuartitsiviunerusumut mingutsitsinngitsumut allanngortitsinerup tamarmiusup iluatsilluarsinnaanissaanut aalajangiisuulluinnartumik pingaaruteqarput. Kuannersuit aatsitassanik qaqutigoortunik nunarsuarmi niuerfimmi ujartuinerup 15-20 procentianik pilersuisinnaassaaq. Taamaattumik suliassaq annertoorujussuarnik aamma nunani allani eqqumaffigineqarpoq. Greenland Mineralsip Kuannersuarni suliassaq 2007-imiilli misissulerpaa. Misissuinernut aammalu nunani tamalaani siunnersuinermut suliffeqarfinnut hunnoruju million koruunit arlallit atorneqareerput. 

Taakkua suliassami ilaatinneqartut tamaasa misissorpaat – tassalu ineriartortitsinissaq, ingerlatsinissaq matusinissarlu. Namminersorlutik Oqartussat siunnersortaasa arlaannaannulluunniit attuumassuteqanngitsut najoqqutassat misissorlugit ukiorpassuit atorpaat.

Taakkua tamanna tunngavigalugu suliassap tamanut ammasumik tusarniaassutigineqarnissaa inassutigaat. Tusarniaaneq maannakkut ingerlavoq aammalu 1. juuni 2021-p tungaanut ingerlasussaalluni.

Qulaani allassimasut Greenland Minerals-ip allakkiaani aallaqqaasiussamit tigusaapput. Matuma ataani allakkiaq paasissutissiissutaasoq tamaat aasinnaavat apeqqutit akissutillu atuarumallugit.

► Una tooruk allakkiaq “Kuannersuit siunissami” aajumallugu (qupp. 13-it)