Qaquguuna kviktestit ilaasortatsinnut akeqanngitsumik agguaanneqarniartut?
Naalakkersuisut suna anguniarneraat paaserusunnarsivoq. Tamatta coronarsimassasugut (flokimmuniteteqalissasugut) anguniarpaat? Tamannalu anguniarunikku ersarissumik nalunaarutiginiarlissuk.
Tassami kviktest ataaseq ullumikkut Nuummi 50 kroneqarpoq. Sinerissami akisunerussaqqooqaaq. Ilaaqutariillu arlaqarsimappata kviktesteqattaarneq ilaqutariinnut aningaasarpassuarnik naleqalersinnaavoq. Tassami napparsimalernermiik kviktestit arlaleriarluni atortariaqarpasipput tunillatsissimalluni takussutissaqarlernissaata tungaanut.
Ilasortagullu ilaqutariit sisamaasimappata ilaqutariit ataasiaannarlutik kviktesterniarunik 200 kronit atoriissavaat, aanalu takorloorsinnaasara aningaasat taakkua sipaarniarlugit qularnanngitsumik arlallit kviktestinik pisissanngillat, taamatullu tuniluunneq sukkanerujusuarmik nunatsinni ingerlaalertussaalluni. Ilaasortattalu nammassinnaanngilluinnarpaat kviktesteralannik piseqattaarnissartik.
Taamaammat Naalakkersuisut akeqanngitsumik kviktesterutinik agguaassinissamut aaqqiipallattariaqarput, ilaasortatta ulluinnarni inuuniarnerat innarlerneqassanngippat.
Imaluunmniit ilaasortagut aningaasanik sipaarniarlutik kviktestersimanerarlutik, taamalu positiversimanerarlutik pcr-testikkiartoqattaassanngippata.Taamaammat uteqqillugu Naalakkersusiut flokimmuniteteqarnissarput, tassa tamatta coronarsimanissarput anguniarneraat paaserusunnarsivoq? Tamannami anguniarneqarpat sooq ilaasortagut kviktestikasinnut aningaasartuuteqaqattaassappat?
Jess G. Berthelsen
SIK-p siulittaasua