SIK kattuffittut tamatumuuna Nuummi maajip aallaqqaataasiortitsinianngilaq ingerlaaqatigiinnertalimmik tamatumalu kingorna katersoqatigiinnertalimmik oqalugiarnertalimmillu.
Taamaaliorniannginnitsinnut pissutaavoq coronap suli nalorninartorsiortitsinera, taamalu aamma oqartussaasut inassutaannik malinnikkusukkatta, tamatumanimi aamma inuit katersuutissagunik amerlanerpaaffissaqartinneqarmata.
Sinerissami SIK-p immikkoortortaqarfiisa soorunami namminneq aalajangissavaat suniarnerlutik, soorunami inuit amerlanerpaamik 100-t katersuussinnaanerinut inassuteqaat ataqqillugu.
Taamaattorli SIK-p siulittaasua pisarnermisut maajip aallaqqaataani oqalugiassamaarpoq. Oqalugiarnera videomut immiuteriarlugu ulloq taanna ullaap tungaani internettimut ilineqassaaq, taamalu nittartakkap www.sik.gl-ip saqqaanit aallugu isiginnaarneqarsinnaassalluni.
SIK-p immikkoortortai sulisullu sinniisaat e-mailikkut tamatuminnga nalunaarfigineqareerput, kajumissaarneqarlutillu ulloq taanna aaqqissuussissagunik, soorunami annerpaamik inuit 100-t katersuussinnaanerinut inassuteqaat ataqqillugu, oqalugiaatip taassuma isiginnaarneqarnissaa pilersaarutiminnut ilannguteqqullugu.
Ataatsimut isigalugu kattuffimmi ingerlatseqataasunut sulisullu sinniisaannut tamanut kajumissaarutigerusupparput oqalugiaat internettikkut isiginnaaqqullugu.
Inussiarnersumik
Jess G. Berthelsen
Kattuffiup siulittaasua