Napparsimanersiuteqarsinnaanermut suliffeerunnersiuteqarsinnaanermullu periarfissat qanoq ittuunerat amerlasuunit iluamik ilisimaneqanngillat. Tamanna pillugu SIK Facebookikkut paasisitsiniaavoq.
Nalunngiliuk pisortat suliffiutaanni suliffeqaruit napparsimanersiuteqarsinnaallutit (ullormut 102 kr.-inik) tamatumalu peqatigisaanik suliffeerunnersiuteqarsinnaallutit (akissarsiat minnerpaaffissaasa 90 procentiinik)?
Napparsimanersiutit:
Nalunaaquttap-akunnermusiallit suliamik ilinniagallit ilinniagaqanngitsullu pillugit SIK-p pisortallu (Namminersortik Oqartussat, kommunit aamma Danmarkip naalagaaffiata) suliffeqarfiutaasa isumaqatigiissutaat malillugit sulisuuguit napparsimanersiuteqarsinnaatitaavutit:
- Sulisitsisorisavit ullormut 102 kr.-inik ullormusiaqartissinnaavaatit pisortani suliffeqaruit napparsimaninnilu napparsimanersiuteqartitaanissamik allatut isumannaarivigineqarsimanngikkuit. Eqqaamajuk ullormusiaqarnissaq sulisitsisumut qinnutigineqassammat napparsimalernermit kingusinnerpaamik ullut 9-t qaangiutsinnagit.
Napparsimanermi ullormusiaqarnissamut qinnuteqarnermi immersugassaq (SIK-p nittartagaatigut aasassaq) aajuna:
Napparsimanermi ullormusiaqarnissamut qinnuteqaat
Paasissutissat erseqqinnerusut isumaqatigiissummi uaniipput:
Napparsimanersiutit pillugit isumaqatigiissut
Namminersortuni suliffeqaruit aalajangersakkat allaanerusut atuutissapput. Suliffeqarfinnik namminersortunik isumaqatigiissutit SIK-p nittartagaaniittut paasisassarsiorfigikkit uani:
Isumaqatigiissutit
Suliffeerunnermi ikiorsiissutit:
Qulaani taaneqartunik napparsimanersiuteqaatigalutit AAMMATTAAQ suliffeerunnersiuteqarsinnaavutit kommunip akiligaanik.
- Suliffeerunnermi ikiorsiissutit taakkua annertussusiat suliamik ilinniagaqarsimanngitsut SIK-p pisortanilu sulisitsisut isumaqatigiissutaat malillugu nalunaaquttap-akunnermusiaasa 90 procenteraat.
Qanoq iliornissamik ilitsersuutit erseqqinnerusut Sullissivik.gl-imi atuarneqarsinnaapput linki una toorlugu: