Nina Fleischer allagartartaarpoq Tunngaviusumik Niuernermik Ilinniartitaanermi (TNI) allaffissornermik ilinniarnini naammassigamiuk.
Nina Fleischerip ilinniarsimanerminik allagartartaarnera SIK-p allattoqarfiani Nuummiittumi sutoqatigiitsiarnikkut persuarsiutigineqarpoq. Tassanimi praktikkersimavoq sulisartut kattuffiata allattoqarfiani suliassaasartut tamalaarpassuit misilillugit.
Praktikkernermini suleqataaffigisai ilaatigut makku taaneqarsinnaapput: SIK-p Sulinngiffeqarluni Angalanermut Aningaasaateqarfiata suliassartai assigiinngitsut, soorlu makitsinerit bilitsinillu pisiortornerit, soraarsitaasimasut akissarsiallu pillugit suliassiissutinik ingerlatsinerit, kattuffiup aningaasaqarneranik aqutsineq kiisalu sulisut sinniisaannik pikkorissaanerit piareersarneqartarneri.
Taama suliassatigut piukkunnarsarluarsimalluni suliffissarsiulerpoq sulisartutut inuunermi pikkunarsinnaasartumi. Nina – ilinniakkaminnillu naammassisut allat – pilluaqqullugillu iluatsilluarnissaannik kissaappavut.
