NSIP-p ilaasortanik ataatsimiisitsineranit

Ataatsimiinneq Katersortarfimmi ingerlanneqarpoq, illoqarfimmi sulisut sinniisaasa tassani ataatsimiinnerannut nalinginnaasumut uiggiullugu.

Ukiumi coronaqarfiusumi naluneqanngitsutut ataatsimiinnissarpassuit akunnattoortitaapput, aamma Nuummi SIK-p immikkoortortaqarfianut NSIP-mut.

Upernaaq ilaasortanik ataatsimiisitsinissaraluaq piffissaligaanngitsumik kinguartinneqarpoq. Ukiulli qaammataani kingullermi uani kiisami iluatsippoq.

Ataatsimiinneq Katersortarfimmi ingerlanneqarpoq, illoqarfimmi sulisut sinniisaasa tassani ataatsimiinnerannut nalinginnaasumut uiggiutiinnarlugu. Taamaalilluni NSIP ilaasortaminik akuutitsisinnaanngorpoq paasissutissiillunilu sulisartut peqatigiiffianni ingerlatanik. Taman­na pivoq siulersuisut nalunaarutaannik saqqummiussinikkut, immikkoortortaqarfiup aningaa­saqarneranik paasissutissiinikkut aappaagumullu aningaasatigut missingersuutinik akuersissutiginninnikkut.

Soorlumi quppernermi uani assilisami takuneqarsinnaasoq, ilaasortat ataatsimiisinneqarne­ranni juullip ukiortaassallu qanillinerat malunnarpoq. Ileqquulersimasoq malillugu nalliuttorsuarni inuulluutissannguanik pinnattussamik makitsisoqarpoq. Taamaalillunilu qalipaasoq Heinrich Jansen savaaqqap affaanik ukioq manna pinnattuuvoq.

Nuannaarutissallu tassunga killeqassanngimmata sulisut sinniisaasa ilaat 15-it, ukioq manna sulisut sinniisaasa pilersaarutaasumik ataatsimiittarnerinut peqataanerpaasimasut, tamar­mik immikkut kajumissaatisipput savaaqqap quttoraanik.

Qalipaasoq Heinrich Jansen savaaqqap affaanik ukioq manna pinnattuuvoq.