Partiinik arlalinnik ataatsimeeqateqarnissamut atatillugu Nuummi SIK-p immikkoortortaqarfiata NSIP-p siulittaasuata Peter B. Mølgaardip Siumut Nuuk ataatsimeeqatigaa.
Ataatsimiinnermi oqaloqatigiissutigineqarput Nuummi nunaqarfiinilu sulisartoqarnikkut pissutsit.
”Sammisat arlallit, suli pitsanngorsaanissamik pisariaqartitsiffiusut, pillugit oqaloqatigiippugut, isummersuutillu pingaarutillit amerlasuut politikkikkut sulinermi ingerlateqqinneqassapput,” Siumut Nuuk NSIP-mut taama allappoq.
Peter B. Mølgaard akissuteqarpoq NSIP Nuummi aammalu nunaqarfinni sulinerup pitsaanerulernissaanik eqqartuerusuttuaannartoq. ”Taamaammat Siumut Nuuk qujaffigerusupparput Nuummi nunaqarfiinilu sulisartoqarneq pillugu pitsanngorsaaqataarusukkassi.”
Asseq: Peter B. Mølgaard (qiterleq), peqatigalugit Nuummi politikerit Siumumeersut.