NSIP ilaasortaminut ataatsimiigiaqqusivoq sisamanngornermi 23. marsi 2023 nal. 19.00 Katersortarfimmi.
Nuummi sulisartut peqatigiiffiata ukiumoortumik ataatsimiinnissaani ileqquusumik saqqummiunneqassapput siulersuisut nalunaarutaat aamma 2022-mut naatsorsuutit kukkunersiukkat, ilisimatitsissutitut saqqummiunneqartussat.
Ilaasortaanermut akiliutip angissusissaa ataatsimiinnermi aalajangersarneqassaaq, taamatullu aamma aappaagumut missingersuutit akuerineqartussaallutik.
Peqatigiiffiup siulersuisui 2021-mi qinigaapput 2024-mi ataatsimeersuarnissap tungaanut atuutissallutik. Siulersuisut ukuupput: Josef Therkildsen (siulittaasoq), Sofie Svendsen (siulittaasup tullia), Arnaq Johansen, Henning Aqqa Kristensen aamma Juliane M. Petersen.
