SIK-mut ilaasortaasutit Nuummi najugagaqartutit maanna periarfissaqalerputit sulisartut ineqarnerat tamatumanilu kissaatigisaat pillugit paasissutissanik katersuinermi paasissutisseeqataanisssannut. Taamaaliorsinnaavutit apersuinermi immersugassamik quppernermi maaniittumik immersuinikkut.
Immersugassaq immersoreerlugu nassiukkukku savaaqqat ilivitsut marluk makitsissutigineqarneranni peqataasussanngussaatit. Makitsineq piumaarpoq 17. marsi 2023-p kingorna, ulloq taanna periarfissaq kingulliussammat paasiniaanermi akissuteqarnissamut.
Apeqqutinut akissutit sulisartut ineqarnerat tamatumanilu kissaatigisaat pillugit paasiniaanermi tunngavissat ilaattut atorneqassapput. Tamanna pissaaq 2022-mi septembarimi NSIP-p (Nuummi SIK-p immikkoortortaqarfiata) isumasioqatigiissitsinerata kingunerisaanik. Taamani isumasioqatigiinnermi qulequtaavoq sulisartunut inissiat tamatumanilu aaqqiissutissat suusinnerat – ilaatigut sanaartortut, aningaaseriviit / aningaasaliisartut kiisalu Islandimi Danmarkimilu sulisartunut inissiaateqarnermik paasisimasaqartut saqqummiussueqataaffigisaannik.
NSIP suleqatigiinnut tamanna pillugu ataatsimiittartunut peqataavoq. Akissutit (neriuppugut amerlasuut) misissuataarneqarumaarput, suleriaqqinnissamilu tunngavissat ilaattut atorneqarumaarlutik.
Immersugassaq matuvoq