2024-mi pikkorissarnissat ilaat marluk ajoraluartumik taamaatiinnarneqarput peqataaniarlutik nalunaartut ikippallaarnerat pissutigalugu.
Pikkorissarnissaagaluit uku pineqarput:
- Sap. ak. 42-mi (15. – 18. oktobari) assigiinnik sulialinnut Ilulissani pikkorissaaneq: Meeqqerivinni socio- socialhjælperit isumaqatigiissutaannik atuisunut, aamma
- Sap. ak. 43-mi (22. – 25. oktobari) assigiinnik sulialinnut Ilulissani pikkorissaaneq: Aalisakkerisut – RG-miit Polar Seafoodimiit allaniillu aalisakkerisunut isumaqatigiissummik atuisunut.
Pikkorissaanissat taakku 2025-mi ingerlanniarneqaannarumaarput.
2024-p sinnerani sulisut sinniisaannut pikkorissaanerit marluk ingerlanneqassapput, tassa: sap. ak. 47-mi assigiimmik sulialinnut pikkorissaaneq nalunaaquttap-akunnermusiallit imaluunniit qaammammullit ilinniagallit ilinniagaqanngitsullu isumaqatigiissutaannik atuisunut, aamma sap. ak. 49-mi sulisut sinniisaasa tunngaviusumik pikkorissarnerat.
Pikkorissaanernut taakkununnga peqataaniarluni nalunaarnissamut suli periarfissaqarpoq SIK-p nittartagaatigut (quppernermi uani ”Sulisut sinniisaat > Pikkorissarnerit”)