Ornigassaq qaqugu allanngortinneqarsinnaava?

FERIEFONDIMIT paasissutissat: Saaffigineqartaannarpugut soorlu apeqqutigineqarluni Kalaallit Nunaanni ornigassamut makitaasimagaluarluni tamanna allanngortinneqarsinnaanersoq Københavnimukartussanngorluni. Imaluunniit Københavniliartussanngorsimagaluarluni tamanna allanngortinneqarsinnaanersoq nunatsinni ornigassamut angalasussanngorluni.

  1. Kalaallit Nunaanni ornigassamut makitaasimagaanni tamanna Københavnimut allanngortinneqarsinnaanngilaq (bilitsi SIK-mit pisiarineqareersimappat pisiarineqareersimanngikkaluarpalluunniit).
  2. Kalaallit Nunaanni ornigassamut makitaasimagaanni – bilitsilu pisiarineqareersimappat – Kalaallit Nunaanni ornigassamut allamut allanngortinneqarsinnaanngilaq.
  3. Kalaallit Nunaanni ornigassamut makitaasimagaanni – bilitsilu pisiarineqareersiman­ngip­pat – Kalaallit Nunaanni ornigassamut allamut allanngortinneqarsinnaavoq ornerusulikkamut bilitsi feriefondimut qinnuteqarnermi orninniaraluakkamut bilitsimit akikinnerup­pat.
  4. Københavnimut makitaasimagaanni – bilitsilu pisiarineqareersimappat – Kalaallit Nunaanni ornigassamut allanngortinneqarsinnaanngilaq.
  5. Københavnimut makitaasimagaanni – bilitsilu pisiarineqareersimanngippat – Kalaallit Nunaanni ornigassamut allanngortinneqarsinnaavoq Covid-19-ip angalasut ilaannut nalorninartorsiortitsinera atuutsillugu. Corona atuukkunnaarpat taamatut allanngortitsisinnaaneq aamma atuukkunnaassaaq.


Feriefondi pillugu paasissutissat una toorlugu ammakkit