SIK-mut ilaasortat kajumissaaserneqartut aamma ”Immikkoortortaqarfitsialammik” toqqaaneq

Sulisartut sisamat nersornaataasunik kajumissaaserneqassapput. Ukioq manna “Immikkoortortaqarfitsialak” toqqarneqarpoq.

ÔdâK Olsenip Aningaasaateqarfia SIK-mit ingerlanneqartoq ukiut tamaasa maajip aallaq­qaa­taani nersornaasiisarpoq sulisartut peqatigiiffiini aalajaallutik peqataasimasunik. Aam­ma ukioq manna taama pisoqassaaq. 

Immikkoortortaqarfiit siunnersuuteqarnerisigut SIK-p siu­ler­suisuuneri aalajangersimapput uku kajumissaaserneqassasut, allagartanik uppernarsaatinik 5.000 kr.-inik aningaa­sar­talin­nik tunineqassallutik:

  • Suffiaaraq O. Petrussen, SIP-Kangaamiut
  • Marie Olsen, SIP-Ilulissat
  • Pavia Johnsen, SIP-Upernavik
  • Vittus Henson, SIP-Nuuk

ÔdâK Olsenip Aningaasaateqarfiata siunertaraa “nu­narsuarmi tamarmi sulisartut ul­luanni nersornaasiisassalluni SIK-mut ukiorpassuarni ilaasortaasimasunut, taamaa­lillutik taakku Kalaallit Nunaanni sulisartut peqa­tigiinne­ranni ajunngitsumik sunniute­qarsimanertik pillugu kajumissaaserneqassammata” – soorlumi aningaasaateqarfiup malittarisassaani taama allassimasoq.Nersornaatit tunniunneqartas­sapput GAS-ip, kingorna SIK-nngortup siulittaasorisimasaata ÔdâK Olsenip, suli­sar­tut peqatigiinneranni immikkut sunniuteqarsimasup, eqqaaneqaatis­saanik.

”Immikkoortortaqarfitsialak”: SIP-Uummannaq

SIK-p Nakkutilliisoqarfiata 11. apriili 2019 ataatsimiinnerani aamma ukioq manna “Immikkoortortaqarfitsialak”-mik toqqaaneq tusarliunneqarpoq.

Uummannami sulinermik inuussutissarsiuteqartut peqatigiiffiat Jokum Zeeb-ip siulittaa­suuf­­figisaa ukioq manna taamatut toq­qarneqarpoq.

Toqqaanermut tunngavilersuutigineqarpoq ukiuni qulini kingullerni Uummanna­mi immikkoortortaqarfiup ilaasortarisinnaasani tamangajaasa ilaasortariuarsimagai.
Ilaa­sortanik sul­lissilluarneq ilaasortanillu sammisaqartitsilluartarnerit immikkoortorta­qar­fiup malunnaatigai. Minnerunngitsu­mittaaq suliffeqarfinnut attaveqarluarneq suli­sit­si­sul­lu suleqati­seralugit ingerlatseriaaseqarneq aammalu ilaasortat sulisullu sinniisaasa tikillugit oqaloqa­ti­gi­ne­qar­tarneri pissutaaqataasutut taaneqarput Uummannami SIP-p ukiorpassuarni inger­­lalluarsimaneranut.

Aamma ukiuni kingullerni maajip aallaqqaataani alutornarluinnartumik Uummanna­mi ilaasortaminnut aaqqissuussisarput – arpatsitsinngikkunik sikumi aalisartitsillu­tik, tamannalu aqqutigalugu sulisartut ataatsimoortittarlugit.

ÔdâK Olsenip Aningaasaateqarfianit kajumissaatisisut
Marie Olsen (Ilulissat)
Vittus Henson (Nuuk) – SIP-Nuummi siulittaasup Josef Therkildsenip kajumissaatissikkaa. 
Pavia Johnsen (Upernavik). Assilisani amigaatigaarput Suffiaaraq O. Petrussen (Kangaamiut).