Septembarip naalernerani SIK peqataatitaqarpoq nunani avannarlerni sulisartut kattuffiisa suleqatigiiffiata NFS-ip ataatsimeersuarnerani, tamatumuuna Helsinki-mi Finlandimi pisumi.
SIK-mit peqataapput siulittaasoq Jess G. Berthelsen, siulittaasup tullia Sofie Svendsen aamma siunnersorti Axel Lund Olsen.
NFS-ip siunertaraa kattuffiit ilaasortaasut akornanni suleqatigiissitsinissaq, sulisartut peqatigiiffiini ilaasortaasunik sullissinerup siuarsarneqarnissaa pillugu, tamanna pissalluni misilittakkanik saqqummiusseqatigiittarnikkut aalajangersimasunillu suleqatigiissuteqartarnikkut.
NFS nunani avannarlerni kattuffinnt 15-init peqataaffigineqarpoq, taakku katillugit sulinermik inuussutissarsiutilinnik 8,5 millioninik ilaasortaqarlutik.