SIK-p Inuusuttai ataatsimeersuarput. Siulersuisunik nutaanik qinersipput, saqqumilaarnerulernissartillu siunniuppaat.
SIK-p Inuusuttaasa ataatsimeersuarnerat SIK-p allattoqarfiani Nuummiittumi naammassilluarpoq. Ataatsimeersuarnermi peqataasut amerlanngikkaluarput. Kisianni qiimasumik sulerusunnermillu ersersitsiviusumik ingerlanneqarpoq. Siunniunneqartorlu erseqqissoq unaavoq: Inuiaqatigiinni erseqqinnerusariaqarpugut saqqumilaarnerusariaqarlutalu.
Ataatsimeersuarneq tikillugu siulittaasuusoq Dorthinnguaq Brønlund nammineq piumassutsiminik tunuarpoq, siulittaasutullu qinerneqarpoq Jens-Ole Næsgaard Madsen, Kangaatsiami qatserisartuusoq.
Siulittaasup tulliatut qinerneqarpoq Peter B. Mølgaard. Siulersuisunut ilaasortanngorput Jørgen Vetterlain, Ane-Marie H. Jørgensen aamma Beathe P. Greve.
Siulersuisunngortut iliuuserisaasa siullersaraattusagassiortunik qaaqqusineq, tassani imminnut ilisaritinniarlutik suliniutiginiakkatillu tusartinniarlugit.
