Ulluni 27. septembarimit 1. oktobari ilanngullugu SIK-p Inuusuttai nunatsinni sumiiffinnit assigiinngitsuneersut Nuummi katerisimaarniarput isumasioqatigiillutik, pikkorissarlutik ataatsimeersuarlutillu.
Ulluni 27. septembarimit 1. oktobari ilanngullugu SIK-p Inuusuttai nunatsinni sumiiffinnit assigiinngitsuneersut Nuummi katerisimaarniarput isumasioqatigiillutik, pikkorissarlutik ataatsimeersuarlutillu.
SIK-p Inuusuttai Sulinermik Inuussutissarsiuteqartut Kattuffiata immikkoortortaasa ilagaat. Immikkoortortaqarfiup siunertai pingaarnerit tassaapput inuusuttut ilinniagaqartut sulisartullu atugarisaasa sulissutigineqarnissaat, qanimut malinnaavigineqarnissaat oqalliseqataaffiginerisigullu pitsanngorsaaviginiarneqarnissaat.
Ataatsimeersuarnermi oktobarip aallaqqaataani SIK-p illuata ataatsimiittarfiani nal. 10.00-mit pisussami immikkoortortaqarfiup malittarisassaanut nutaanut siunnersuutit saqqummiunneqassapput aalajangiivigineqassallutillu.
Malittarisassanut siunnersuutit ilaatigut SIK-p Inuusuttaasa siunertaat pillugit erseqqissaatinik imaqassapput. Taamattaaq ilaasortat oqaluuseritinniagaat ilaatigut peqatigiiffilerinermut ilaatigullu inuusuttut inuiaqatigiilerinermik qaammarsagaanissaannut tunngassuteqartut oqaluuserineqassapput. Aamma siulersuisussanik nutaanik qinersisoqassaaq.
Ataatsimeersuarnermi pisussat ilagaat SIK-p siulittaasuata Jess G. Berthelsenip inuusuttunut najuuttunut oqalugiarnissaa.
Erseqqinnerusumik paasisaqarniaraanni saaffigisassaq: SIK-p Inuusuttaasa siulittaasuat Dorthinnguaq Brønlund, mobiltlf. 58 23 88
Una tooruk ataatsimeersuarnermi oqaluuserisassat aajumallugit.
SIK-p Inuusuttai pillugit paasissutissat una toorlugu takukkit.