Pikkorissarnerit

Pikkorissarnerit sulisut sinniisaannut sulisartoqarnermullu nukittorsaatit.

2021-mi pikkorissarnissanut pilersaarut

Sap. ak. 15, ulluni 12. – 15. apriili 2021:
Imm. 1
-pikkorissarneq, Qeqqata Kommunia, Sisimiut, Sømandshjemmet. Pikkorissaasut: Susanne Olsen aamma Nukaraq Eugenius.

Sap. ak. 20, ulluni 17. – 20. maaji 2021:
Imm. 2
-pikkorissarneq, Kommuneqarfik Sermersooq, Nuuk, Sømandshjemmet. Pikkorissaasut: Sofie Svendsen aamma Nukaraq Eugenius.

Sap. ak. 34, ulluni 23. – 26. aggusti 2021:
Imm. 1
-pikkorissarneq, Kommuneqarfik Sermersooq, Nuuk, Hotel Hans Egede. Pikkorissaasut: Sofie Svendsen aamma Nukaraq Eugenius.
Qinnuteqarnermi immersugassaq – una tooruk

Sap. ak. 38, ulluni 20. – 23. septembari 2021:
Imm. 1
-pikkorissarneq, Kommune Kujalleq, Qaqortoq, Hotel Qaqortoq. Pikkorissaasut: Susanne Olsen aamma Nukaraq Eugenius.
Qinnuteqarnermi immersugassaq – una tooruk

Sap. ak. 41, ulluni 11. – 14. oktobari 2021:
Imm. 2-pikkorissarneq, Kommuneqarfik Sermersooq, Nuuk, Sømandshjemmet. Pikkorissaasut: Sofie Svendsen aamma Nukaraq Eugenius.
Qinnuteqarnermi immersugassaq – una tooruk

Sap. ak. 43, ulluni 25. – 28. oktobari 2021:
Imm. 2-pikkorissarneq, Kommuneqarfik Sermersooq, Nuuk, Sømandshjemmet. Pikkorissaasut: Susanne Olsen aamma Nukaraq Eugenius.
Qinnuteqarnermi immersugassaq – una tooruk

Sap. ak. 45, ulluni 8. – 11. novembari 2021:
Imm. 2-pikkorissarneq, Kommuneqarfik Sermersooq, Nuuk, Hotel Hans Egede. Pikkorissaasut: Susanne Olsen aamma Nukaraq Eugenius.
Qinnuteqarnermi immersugassaq – una tooruk

Sap. ak. 48, ulluni 29. novembari – 2. decembari 2021:
Imm. 2-pikkorissarneq, Kommuneqarfik Sermersooq, Nuuk, Sømandshjemmet. Pikkorissaasut: Sofie Svendsen aamma Nukaraq Eugenius.
Qinnuteqarnermi immersugassaq – una tooruk

Pikkorissartussanik toqqaasarneq

Sulisut sinniisaat pikkorissarnernut peqataasussat toqqartorneqartarput kikkut siusinnerusukkut pikkorissartitsinernut peqataasimanerannik allattukkat tunngavigalugit. Taava pikkorissaqataasussanngortitat SIK-p attaveqarfigisarpai peqataasinnaanersut qulakkeerniarlugu.

Attaveqarfissat

SIK-mi siunnersortit pikkorissaanernik sulisut sinniisaannut, peqatigiiffinni siulersuisunut, SIK-p Inuusuttaanut immaqalu allanut SIK-p iluaniittunut neqeroorutigineqartunik allaffissornikkut isumaginnittuupput.

Ilaatigut suliassaapput bilitsinik inisimaffissanillu inniminniinerit kiisalu pikkorissarnermi atortussanik amerlasuunngortiterineq nassiussuinerlu.

Attavigiuk:
Telefon +299 32 21 33
E-mail: qia@sik.gl

Qaammarsaanermut Ilinniartitaanermullu Aningaasaateqarfik 

Pikkorissarnernik aningaasalersuisuuvoq SIK-p Qaammarsaanermut Ilinniartitaanermullu Aningaasaateqarfia (QIA). Sulisitsisut aningaasaateqarfimmut akileeqataasarput. Aningaasaateqarfik pillugu paasissutissat atuarneqarsinnaapput una toorlugu.

Sulisut sinniisaannik pikkorissaanerit imaat

Sulisut sinniisaannik pikkorissaanerit immikkoortut marlunngorlugit neqeroorutaapput: Immikkortoq 1 tunngaviusumik ilisimasassanik tamalaanik pikkorissarfiusoq “sulisut sinniisaasa akisussaaffii pisussaaffiilu” qitiutillugit, aamma Immikkoortoq 2 ingerlaqqiffiusoq sulisoqarnermi inatsisit isumaqatigiinngissutinillu aaqqiiniartarneq sammillugit.

IMM. 1-imi sammisassat:

Sammisani qitiusut: Sulisut sinniisaasa akisussaaffii pisussaaffiilu.

Pikkorissarnerup siunertai:

  • Sulisut sinniisaasa SIK-llu suleqatigiinnerisa nukittorsarneqarnissaat.
  • Sulisunut sinniisussattut qinigaarlaat suliassaannut nutaanut piukkunnarsarneqarnissaat.
  • Sulisut sinniisaasa suliaqarnerisigut ilaasortat ilaasortaanngitsullu SIK-mut tunngasunik ilisimasaqarnerulernissaat.
  • Sulisut sinniisaat ilaasortassassarsiortarnermi ilaasortaareersullu ataavartumik ilaasortaasarnissaannut sunniuteqaqataanerulernissaat.

Pikkorissaanerup kingorna peqataasut makkuninnga ilisimasaqalissapput:

  • SIK-p inuiaqatigiinni inissisimanera
  • SIK-p kattuffittut katitigaanera
  • SIK-p aningaasaateqarfii
  • Sinniisutut qanoq inissisimanertik ilisimallualissavaat
  • Sinniisutut akisussaaffiit pisinnaatitaaffiillu ilisimalissavaat
  • Ilaasortassarsiornissami sakkugineqarsinnaasut ilisimalissavaat
  • Suliffeqarfimmi ajornartorsiortoqartillugu qanoq iliuuseqarsinnaaneq ajornartorsiutillu aaqqiivigineqarsinnaanerinik misilittaassapput
  • Tapersersortitut inissisimanissaq ilisimalissavaat
  • SIK-mi isumaqatigiissutit assigiinngitsut ilisimalissavaat
  • Sulisut sinniisaattut sulinerminni ilisimasassat assigiinngitsut pingaaruteqartut ilisimalissavaat.


Peqataasussat: Sulisut sinniisaattut qinigaarlaat.

Pikkorissaaneq sioqqullugu iiisimasaqarfigeriigassanik piumasaqaateqanngilaq.

Pikkorissaariaaseq: Saqqummiinerit, eqqartuinerit, suleqatigiikkaarluni suliaqarnerit, piviusut aallaavigalugit sungiusarnerit / takutitsinerit .

Pikkorissaasut: SIK-mi siunnersortit aamma Nukaraq Eugenius (Eugenius Consult).


IMM. 2-mi sammisassat:

Sammisani qitiusut: Sulisoqarnermi inatsisit isumaqatigiinngissutinillu aaqqiiniartarneq.

Pikkorissartitsinerup siunertaraa:

  • Sulisut sinniisaasa SIK-llu akornanni suleqatigiinnerup nukittorsarnissaa.
  • Sulisut sinniisaasa suliassaminnik ingerlatsisinnaasunngorlugit pikkorissarnissaat.
  • Sulisut sinniisaasa suliffimminni aporaannernik iluarsiiniaqataasarnissaannut atortussaannik tuniorarnissaat.
  • Sulisut sinniisaasa ilaasortassarsiornermi peqataasarnissaanni periusissaannik tuniorarnissaat.


Pikkorissartitsinermi peqataasut ullut sisamat ingerlaneranni ilaatigut makkunannga sammisaqartinneqartassapput:

  • Akisussaaffiit pisussaaffiillu.
  • Inatsisit sulisut sinniisaattut sulinermi ilisimassallugit pisariaqartut.
  • SIK-p isumaqatigiissutai assigiinngitsut.
  • SIK-p allattoqarfianik peqatigiiffinnillu suleqartarneq.
  • Suliffeqarfimmi aporaattoqartillugu qanoq pissuseqartarnissaq.
  • Attaveqaqatigiinnikkut sulisut sinniisaattut qanoq pissuseqartarnissaq.
  • SIK-mut ilaasortassarsiornermi qanoq periuseqartarnissaq.


Peqataasussat: Pikkorissartitsinermut peqataasinnaapput sulisut sinniisaat imm. 1-imi naammassinnissimasut.

Pikkorissartitsinerit ilusaat: Saqqummiinerit, suleqatigiikkuutaarnerit, sungiusarnerit, oqallinnerit pisuusaartitsinerillu.

Pikkorissaasussat: SIK-mi siunnersortit, immikkut ilisimasallit avataaneersut aamma Nukaraq Eugenius (Eugenius Consult).


Peqatigiiffinni siulersuisunik attaveqaatinillu pikkorissaanerit

Pisariaqartitsineq periarfissallu naapertorlugit SIP-t siulersuisui attaveqaatillu pikkorissartinneqarsinnaapput. Pikkorissarnerit taamaattut makkuninnga sammisaqarfiugajupput:

Pikkorissarnerup siunertarai:

  • Peqatigiiffimmi siulersuisut suleqatigiinnerat nukittorsassallugu peqatigiiffiup ulluinnarni aqunneqarneranut nukittorsaataasumittaaq.
  • Ilaasortanut attaveqarneq sullissinerlu nukittorsassallugit.
  • Sulisut sinniisaannik pilersitsisarneq, attaveqarneq sullissinerlu ineriartortissallugit nukittorsassallugillu.
  • Sulisitsisunik attaveqarneq suleqatiginninnerlu nukittorsassallugit.
  • Kattuffimmut attaveqarneq tassanilu suleqataaneq nukittorsassallugit.


Pikkorissarnermi ullunik marlunnik sivisussuseqarajuttumi isumaqatigiissuserineq ilaajuaannarpoq – tassa isumaqatigiissutit qanoq paasineqassanersut, sunik imaqarnersut qanorlu atorneqartarnersut. Aamma ilaavoq sulisut sinniisaat pillugit isumaqatigiissut.

Inatsisit attuumassuteqartut paasissutissiissutigineqartarput – soorlu feeriamut inatsit, sullivinni avatangiisit pillugit inatsit, suliffeqarnermut inatsit, pisortani suliassat suliarineqartar­nerannut inatsit aamma naartunermi erninermilu sulinngiffeqartarnermut inatsit.

Peqatigiiffiup nammineq malittarisassai aallaavigalugit siulersuisut ulluinnarnilu aqutsisut (taamaattoqaraangat) suleriaasii minnerunngitsumillu SIK-p inatsisai (malittarisassai) sammineqartarput.

SIK-p ataatsimeersuarnerani kingullermi aalajangikkat siulersuisuunerillu anguniagassatut siunniussaat, kiisalu SIK-p aningaasaateqarfiisa suuneri qanorlu atorneqarneri, paasissutissiissutigineqartarput.

Pikkorissarnerup ingerlanerani suliassiissutinik misileraasoqartarpoq ulluinnarni pisartut suliassanngortartullu piviusut aallavigalugit, soorlu soraarsitsinerit, akissarsiat pillugit suliassiissutit mianersoqqussutinillu tunniussinerit. Naggataatigullu suliakkiisoqartarpoq anguniakkanik takorluukkanillu qanoq timitalersuillunilu piviusunngortitsiniarsinnaanermut tunngasumik, kia suut suliarissanerai il.il.