Ukiup qaammataasa siulliit pingasut ingerlaneranni SIK-mi sulisartut peqatigiiffiisa ataatsimeersuarneri sisamanik siulittaasortaarfiupput.
Soorlumi SIK-p nalunaaruteqartarfiisigut ilisimatitsissutigineqareersoq Ane-Marie Havmøller Jørgensen Upernavimmi siulittaasunngorpoq, taamatuttaarlu aamma Niels Wille Qeqertarsuarmi siulittaasunngorluni.
Taava marsip 17-ianni Qaanaami ataatsimeersuarneqarpoq. Tassani Inge Alataq siulittaasussatut qinigaavoq. Ukiorpaalunngortuni sulisartut peqatigiiffiisa avannarlerpaartaanni tassani siulittaasuusimasoq Pouline Kleist taamaalilluni peqatigiiffimmi aqutsisooqataajunnaarpoq.
Qaanaami siulersuisortaanut ilaasortanngortut allat tassaapput siulittaasup tullia Naduk Avike Qaavigaq, allatsi Pualuna Kivioq, Ane Eipe aamma Mamarut Qujaukitsoq.
Sulisartut peqatigiiffiisa annersaat Nuummiittoq marsip 19-iani ataatsimeersuarpoq. Tassani Sofie Svendsen siulittaasutut qinigaavoq, unammillertiminut ukiorpassuanngortuni siulittaasuusumut, aammalu SIK-mi siulittaasup tullerisimasaanut, Josef Therkildsenimut ajugaalluni.
Nuummi siulersuisortaanut ilaasortanngortut allat tassaapput Peter B. Mølgaard (siulittaasup tullia), Arnaq Johansen, Inge Marie j. Rosing aamma Emma Junge Dalager.
Taanngitsoortariaqanngilarlu Narsami sulisartut peqatigiiffiat 8. februaari ataatsimeersuarmat. Nunatsinnilu tamarmi peqatigiiffiit siulersuisuisa allattorsimaffianni nalunaarsorneqareersimasutut Otto Davidsen siulittaasutut qinigaaqqippoq. Siulersuisortaanilu ilaasortat allat tassaapput siulittaasup tullia Ane-Marie B. Kaspersen, allatsi Najaaraq Kaspersen-Albrechsen, Benjamin Kielsen aamma Martin Egede
► Una tooruk peqatigiiffiit tamarmik siulersuisuisa allattorsimaffiat iluarsisaq piumallugu
Qaanaami sulisartut peqatigiiffianni siulersuisunngortut, saamerlermit: Pualuna Kivioq (allatsi), Ane Eipe, Inge Alataq (siulittaasoq), Mamarut Qujaukitsoq aamma Naduk Avike Qaavigaq (siulittaasup tullia).
Nuummi sulisartut peqatigiiffianni siulersuisunngortut, saamerlermit: Emma Junge Dalager, Peter B. Mølgaard (siulittaasup tullia), Sofie Svendsen (siulittaasoq), Arnaq Johansen aamma Inge Marie J. Rosing.