![](https://i0.wp.com/sik.gl/wp-content/uploads/2024/02/Sofie-Fleischer.jpg?fit=232%2C380&ssl=1)
Ukiorpassuarni SIK-p siulersuisuunerinut ilaasortaasimasoq Sofie Fleischer 8. februaari 2024 ullaakkut toqukkut qimaguppoq.
SIK-p siulittaasua Jess G. Berthelsen siulersuisuunernut sulisartullu peqatigiiffiinut ilisimatitsissuteqarluni allappoq Sofie Fleischer qutsavissarigitsik ukiorpassuarni sulisartut atugaasa pitsanngorsaaffigineqarnissaat kattuffiullu nukittorsarnissaa ineriartortinneqarnissaalu pillugit suleqataalluarsimammat.
Sofie Fleischer Uummannami sulisartut peqatigiiffiannut siulersuisooqataalluni 2005-imi SIK-p siulersuisuunerinut ilaasortanngorpoq, 2017-illu tungaanut siulersuisuunernut ilaasortaal- luni. Taamalu aamma SIK-p Qaammarsaanermut Ilinniartitaanermullu Aningaasaateqarfiani (QIA), Feriefondimi soraarnerussutisiassanillu aningaasaateqarfimmi SISA-mi siulersuisunut ilaasortaasimavoq.
“Malugiuartarparput Sofiep sulisartut atugarisaasasa pitsanngorsaaffigineqarnissaat pingaartitarigaa aammalu tamatumani inuttut tunniusimasuusoq. Sofiep eqqaaneqarnera ataqqinartuuli,”, Jess G. Berthelsenip eqqaaniaalluni oqaaseqaatini taama naggaserpaa.