Skip to content

Suleriaatsinik allattukkat iluaqutissaapput

Kissaateqartoqarneratigut sapaatip-akunnerani kingullermi sulisartut peqatigiiffiinut nassiunneqarput “Suleriaatsinik allattukkat” katillugit 16-iusut ilaat arfinillit soraarsitsinernut peersitsinernullu tunngassuteqartut – tamakkuninnga pisoqartillugu peqatigiiffiit siulersuisuisa sulisullu sinniisaasa akornanni ilisimasariaqakkatut pingaaruteqartutut nalilerneqartut.

Suleriaatsinik allattukkat peqatigiiffilerinermi ilaasortanillu sullissinermi iluaqutissatut 2018-19-imi ineriartortinneqarput. Tamarmillu 2019-imi SIK-p nittartagaatigut saqqummiunneqarput allakkerivikkullu peqatigiiffinnut tamanut nassiunneqarlutik.

Kingusinnerusukkulli soraarsitsinernut peersitsinernullu tunngasortaat nittartakkamit peerneqarput, taakkunani paasissutissat kattuffiup iluaniunerusoq susassaqarfigineqarmata. Taakkualu peqatigiiffinni pisariaqartinneqarnerat maluginiarneqarmat kattuffiup allattoqarfianit peqatigiiffinnut toqqaannartumik nassiuteqqinneqarput, tassaasut:

Nr. 10: Soraarsitsineq tusarniaaqqaarnertalik
Nr. 11: Soraarsitsineq tusarniaaqqaarnertaqanngitsoq, pisoq 1
Nr. 12: Soraarsitsineq tusarniaaqqaarnertaqanngitsoq, pisoq 2
Nr. 13: Peersitsineq tusarniaaqqaarnertalik
Nr. 14: Peersitsineq tusarniaaqqaarnertaqanngitsoq, pisoq 1
Nr. 15: Peersitsineq tusarniaaqqaarnertaqanngitsoq, pisoq 2

Suleriaatsinik allattukkat – soorlu matuma ataani takutinneqartoq – sinneri tamaasa qaqugukkulluunniit una toorukku pisinnaavatit