”SIK-p nersornaasiuttagaa immikkut ittoq” – ukiut ilaanni pissutissaqaleraangat tunniunneqartartoq – ukioq manna maajip aallaqqaataani Royal Arctic Linemut tunniunneqarpoq.
”Kalaallit Nunaanni Royal Arctic Line A/S-ip sulinera SIK-mi nersorniarparput, tassami pisortat maligassaqqissumik suliffeqarfimmik ingerlalluartumik pilersitsisimapput nunaqavissuinnangajannik sulisoqartumik – Royal Arctic Linemut kisimi iluaqutaanani, kisiannili Kalaallit Nunarput tamaat isigalugu ineriartorneranut iluaqutaasumik. Aamma sulisut nuannersumik suliffeqarnissaat anguniarlugu suliniutit ingerlanneqarsimasut SIK-p nersorpai. Taamatut takutitsineq Kalaallit Nunaanni suliffeqarfinnit allanit malinneqartariaqarluinnarpoq.”
Tassa taama allassimasoqarpoq diplomimi kulturip illorsuani Katuami maajip aallaqqaataasiornermi SIK-p siulittaasuata Jess G. Berthelsenip Royal Arctic Linep direktørianut Verner Hammekenimut tunniussaani (takuuk asseq matuma ataaniittoq).
SIK-p siulittaasua nersornaammik tunniussinermut imaattunik tunngavilersuuteqarpoq:
Siullermik umiartortut isumaqatigiissutaasa assigiilernissaat ukiorpassuit sorsuutigisimavarput,tassami ukua Danmarkimut assartuutit eqqarsaatigalugit inuttai qallunaat kalaallillu assigiinngitsunik aningaasarsiaqarnikuupput, naak suliaq ataaseq taannaagaluartoq.
Maannakkullu qujanartumik nutaamik pisortartaarnerata kingunerisaanik tamanna aaqqivigineqarpoq assigiimmik aningaasarsiaqalersillugit. Tamanna soo runami pissusissamisoorpoq, tamatumalu kingunerisaanik periaaseq taannarpiaq immikkoortumut allamut tuniluuppoq.
Aappaattut sapinngisamik sulisuni suliffeqarfiup iluani avataanilu pikkorissartittuarne qarnissaat soqutigisaraa, taamatullu allagartartaarnerup kingunerisaanik isumaqatigiissutitigut qaffasinnerusumik sulisut aningaasarsiaqalersinnaanerat aammattaaq periarfissarsiuuppaa.
Pingajuattut suliffeqarfik nunatsinni siullersaalluni isumaqatigiissutit eqaanninngorlugit sulisunut ataasiakkaannut iluaqutissanngorlugit aaqqisuunneqarnissaat soqutigisimavaa, tamatumalu kingunerissaanik tapeeraarpasuit ulluninnarni atorneqarpiarneq ajortut tunngaviusumik aningaasarsiat qaavinut ilisimavagut, taamaasillutillu tunngaviusumik aningaasarsiat qaffallutik, taamaasillunilu sulisut aamma pinngitsoorani soraarninngornissamut katersisussaatitaanermut (obligatorisk pernsionsordningimut) qaavatigut akileraarutitigut akiliisussaajunnaarlutik.
Sisamaattut isumaqatigiissutini atsioriikkani equngasoqarpat piumassuseqarput sulisutik paa-riinnarniarlugit isumaqatigiissutit pioreersut aaqqivigineqarnissaannut.
Imaappoq sulisut suliffeqarfimminniiginnartarnerat agguaqatigiissitsinermi assut qaffasip poq, taamaasillunilu sulisunut aammalu suliffeqarfimmut iluaqutaangaartumik sulisut pikkorissut sulilluartullupilersinneqarlutik.