2021-mi ”Sulisunut Sinniisutsialak”-mik toqqaaqataagit

Illit sulisutut sinniisut suliffeqarfinni arlalitsigut pingaaruteqartunik atuuffeqarpoq, soorlu suliffeqarfimmi ajornartorsiuteqalissaguit illersortussaallutit. Sulisutut sinniisut suliffinnissaaq aam­ma atukkatit pillugit sunik tamanik oqaloqatigisinnaavat.

SIK-p sulisut sinniisaattut sulinerup pingaaruteqassusiata ukkatarineqarnissaa kissaatigaa, taamaattumillu siorna aaqqissuussaq iluatsilluartoq ukioq manna nangeqqikkusullugu – tassa UKIOQ MANNA SULISUNUT SINNIISUTSIALAMMIK toqqaanissaq.

Maannakkut periarfissaqalerputit ”Sulisunut Sinniisutsialak 2021”-mut toqqarneqartussamik innersuussinissannut.

Sulisunut Sinniisutsialannik pingasunik toqqaasoqarsinnaavoq, SIK-milu siulersuisuunerit innersuunneqarsimasunik toqqaasassapput. Toqqarne­qar­tut tamarmik immikkut diplominnatsinneqassapput 3.000 kr.-inik aningaasartaqartinneqartumik (akileraarut peereerlu­gu).

Siulersuisuunerit toqqaaniarnerminni makku pingaartissavaat:

  1. Sulisut sinniisaattut sulilluartoq, sulisut sulisitsisullu akornanni suleqatigiilluarnissamik pingaartitsisoq,
  2. SIK-mi ilaasortaanerup iluaqutissartai pillugit suliniuteqarluartoq aammalu
  3. Suliffimmi suleqatit isumaqatigiissutit tunngavigalugit pisinnaatitaaffiisa il. il. suliffeqarfimmi ataqqineqarnissaannik suliniuteqarluartartoq.


Innersuussinissaq kingusinnerpaamik pissaaq ulloq 22. novembari 2021.

Innersuussinerit uunga nassiutissavat: sik@sik.gl – tassani nalunaarutigissavat kina inner­suunnerlugu. Apeqqutit uku najoqqutarisinnaavatit:

  • Kina toqqarneqassava (atia kinguliaalu)?
  • Sumi suliffeqarpa?
  • Sooq taannarpiaq ”Sulisunut Sinniisutsialattut” toqqarneqassava?