Videofilmi naatsunnguaq ingerlaqqinnissamut kajumissaataaniassaaq sulisut sinniisaannut atuutereersunut aammalu sulisunut sinniisunngorusussinnaagaluarlutik nangaasunut.
Filmeeqqap minutsinik sisamanik sivisussusillip aallaqqaatigalugulu naggatigaa oqariartuut pingaartoq una: Suliffimmi sulisut sinniisoqaraangata suleqatigiilluartoqarnerusarpoq!
SIK-p siulittaaasuata tullia Ludvig Larsen aamma SIK-mi siunnersorti Sofie Svendsen sulisut sinniisoqarnerat pillugu nassuiaateqarput. Nunatsinnilu tamarmi SIK-p isumaqatigiissutai malillugit sulisut sinniisaasa ullumikkut 320-t miissaanniittut ilaat pingasut misilittakkanik saqqummiussipput, ukuusut: Ujarak J. Heinrich (portøri), Trine P. Egede (igaffimmi ikiorti) aamma Hans Jørgen Rosing (aalisakkerivimmi sulisoq). Aamma Asser Mathæussen, aalisakkerivimmi sulisoq kisianni sulisunut sinniisuunngitsoq, oqaaseqarportaaq.
Minnerunngitsumik taasariaqarportaaq Kathrine Bødker, sulliviit angisuut ilaanni sulisoqarnermut pisortaasoq, filmeeqqami unnersiormat sinniisoqarnerup suliffimmi attaveqaqatigiilluarnissamut iluaqutaasarneranik.
Filmeeraq ilaatigut SIK-p nittartagaa Facebookilu atorlugit siammarneqassaaq – taamaalilluni periarfissani assigiinngitsuni atorfissaqaleraangat takutinneqartarsinnaaniassammat.
Videomik suliarinnittuuvoq Mala Johnsen, Stamauda.
Sulisunut sinniisuuneq
– Sivisussusia: 4´36 min.
Ataani filmi takujuk.