Juulip aallaqqaataani 2026 SIK-p sulisartut kattuffiattut ukiunik 70-iliinera nalliussineqarpoq.
Tamanna pivoq SIK-p Nakkutilliisoqarfiata Ilulissani ataatsimiinneranut atatillugu. Assit matuma qulaaniittut illoqarfiup qeqqani assilisaapput. Nipilersortoqarpoq, oqalugiartoqarluni aliikkutaqartitsisoqarlunilu.
ASSIT minnerit ilaat tooruk allisikkumallugu, assillu tulleriiaarlugit isiginnaakkit qarsuusaq saamerleq talerperlerluunniit toortarlugu.
Ilulissani arsaattarfitoqqami nalliuttorsiornermi siulittaasoq Jess G. Berthelsen oqalugiarpoq. Uku aamma oqaaseqarput:
- Avatangiisinut, Pinngortitamut, Nukissiuuteqarnermut Ilisimatusarnermullu naalakkersuisoq Jørgen Rosbach
- Borgmester Lars Erik Gabrielsen
- Danmarkimi sulisartut kattuffissuanni FH-mi siulittaasup tullia, Nanna Højlund
- Nunani avannarlerni sulisartut kattuffiisa suleqatigiiffianni NFS-imi allattuuneq, Magnus Gissler