Aviaq Petersen maanna naammassisimalerpoq Niuernermik Ilinniarfimmi TNI Administration-imi ilinniarnermini tamatumunngalu atasumik SIK-p Nuummi allattoqarfiani praktikkertarnermini.
Maannalu aggustimit maani SIK-mi allaffimmiutut atorfeqalerallarpoq 2026-p naanissaata tungaanut, tamatuma kingorna ilinniaqqinniarami SIK-mut atassuteqanngitsumik.
SIK-mi praktikkertarnermini Aviaq suliassaqarfinnik tamalaanik sammisaqarpoq: Ilaatigut Feriefondimik, Isumaginninnermut aningaasaateqarfimmik aamma ilaasortanut attaveqarnermik.
Aamma taanngitsoortariaqanngilaq angalanerni pissanganartuni arlalinni peqataasimanera, soorlu SIK-meersut Upernavimmi eqqaanilu isorartoqisumi umiatsiamik angalammata paasisitsiniaajartorlutik. Kattuffimmilu ataatsimiinnerit angisuut ingerlanneqaraangata atorfilinnut peqataasarpoq, soorlu kattuffiup ataatsimeersuarnerani nakkutilliisoqarfiatalu ataatsimiinnerani.
Taamaalilluni Aviaq SIK-p suliassaqarfiinik tamalaanik ilisimasaqarlunilu misilittagaqareerpoq maanna atorfeqalernermini ilinniaqqissamaalernerminilu.
Qulaani asseq: Aviaq allaffimmini. Ataani asseq: Aviaq Niuernermik Ilinniarfimmi naammassilluni allagartartaarami ulloq 19. juuni 2026.
