Danmarkimi sulisartut kattuffiata 3F-ip Høje Taastrupimi immikkoortortaqarfiani siunnersortaasoq Jens Kristian Jensen ippassigami Nuummi SIK-p peqatigiiffianut NSIP-mut pulaarpoq tassani siulittaasoq Peter B. Mølgaard oqaloqatigiartorlugu.
Nunatsinni pissutsit sulinermillu inuussutissarsiuteqartut atugarisaat pillugit oqaloqatigiinnissamut taamaalillutik periarfissarsilluarput, paasissutissanillu assigiinngitsunik avitseqatigiipput.
SIK aamma 3F arlalitsigut assigiissuteqarput, tamarmik sulianik ilinniarsimasunik ilinniarsimanngitsunillu ilaasortaqaramik suliffissuaqarnermi, sanaartornermi, assartuinermi, pisortaqarfinni kiffartuussinermilu sulisuusunik.
”Naggataatigullu siunissami NSIP-minngaanniit Høje Taastrupimi 3F-ip immikkoortortaqarfianut tikeraartoqarsinnaanera eqqartorparput,” Peter B. Mølgaard oqaluttuarpoq.