'/%3E%3C/svg%3E){kind=small}
Ataatsimiinnerpaalussuarni noqqoruutingaatsiartoqareersoq Royal Arctic Line-mik isumaqatigiissut nutaaq inissippoq, isumaqatiginninniartartuvut nalunaarput.
Ajornaatsuinnaasimanngilaq, isumaqatigiinnissallu tungaanut piffissangaatsiaq atorneqarpoq – tamarmilli naammaginartumik naammassineqarput.
Qulaani asseq isumaqatigiinniarnerit naammassinerannit pisuuvoq. Royal Arctic Line-meersup Karl-Peter Kristensenip (Sara Biilmann Egede talerpiup tungaani sanileralugu) SIK-p siulittaasua Jess G. Berthelsen assammippaa.
Ukiunut marlunnut atuuttussamik isumaqatigiissut pingaarnersiorlugu makkuninnga imaqarpoq:
- Ukiumi siullermi akissarsiat qaffaatissaat: 1,75 procent.
- Ukiup aappaani akissarsiat qaffaatissaat: 1,65 procent.
- Soraarnerussutisiassat amerlanerusut: Sulisitsisup soraarnerussutiassanut nakkartittagai 0,3 procentinik ilaneqarput, soraarnerussutiassanut toqqortikkat katillutik 10 procentiulerlutik.
- Piffissaq suliffiusoq: Piffissaq suliffiusoq pillugu isumaqatigiissutip maannamut atuuttup atuutiinnarnissaa qulakkeerparput.
- Iluarsisassaaluit: Isumaqatigiissummi iluarsisassat annikitsualuit iluarsineqarput.
Illua’tungeriinnut tamanut ajunngilaq
Isumaqatigiissut ukiuni tulliuttuni marlunni eqqissilluni sulinissamut iluaqutaassaaq. Ikummatissap akitsornerata kingunerisaanik unamminiarnartuulersut Royal Arctic Linep ukkatarinerusinnaalissavai – taavalu sulisut akissarsiarissaarnerulissapput, piffissarlu suliffiusoq pillugut isumaqatigiissutaareersoq atuutiinnassaaq.