SIK-p aamma Namminersorlutik Oqartussat (kommunillu) isumaqatigiissutaasa nutaat kingunerisaannik akissarsiat kingumoortumik 1. apriili 2022-mit iluarsineqassapput. Iluarsiissuteqarnerlu tamanna pissaaq 2022-mi novembarip naanerani akissarsinermut atatillugu.
Isumaqatigiissutit assiginngitsut 20-t akissarsiatigut iluarsiissuteqarfigineqassapput. Soorlumi isumaqatigiissuteqartut illua’tungeriit septembarimi tusagassiorfinnut nalunaarutaanni oqaatigineqartoq akissarsiat tamarmiusut piffissami 2022-mit 2026-mut 8 procentinik qaffanneqassapput.
Isumaqatigiissutit tamalaat allaqqissaarneqarnerat il.il. Namminersorlutik Oqartussani suli naammassineqanngilaq. SIK-milli sapinngisamik piaartumik isumaqatigiissutit nutaat imarisaat pillugit paasissutissiissamaarpugut.