”Ukiorpaalunngortuni SIK nuannaralugu suliffigereerlugu soraarnissara aalajangiuppara,” Bjarne Petersenip suleqatini maajip naalernerani taama ilisimatippai. Kattuffiup p siulittaasualu isumaqatigiissimapput tassani sulinerminit soraassasoq 2026-mi oktobarip naanerani.
Bjarne Petersen inatsisilerituujusoq 2016-imi SIK-mi sulilerpoq, 2017-imit allattoqarfimmi pisortatut.
Asseq matuma qulaaniittoq juunip naanerani SIK-p Nakkutilliisoqarfiata ataatsimiinnerani assilisaavoq. Tassani siulittaasoq Jess G. Berthelsen ilisimatitsivoq manna tassaasoq Nakkutilliisoqarfiup ataatsimiinnera Bjarne Petersenip allattoqarfimmi pisortatut peqataaffigisaa kingulleq.
Nalunanngilaq Bjarnep sulinera siulittaasup iluarusuutigigaa – piffissami kattuffiup peqatigiiffiillu taassumunnga ilaasut akornanni suliassat agguataaqqinneqarnerisa kingorna ilaasortanut sullissinerup ineriartortinneqarnerani:
Aalajaalluni eqqissisimallunilu, isumaliutiginnilluartarluni ullorlu ilungersunaraluarpalluunniit saamasumik kiinnertarluni. Tassa Bjarne.