Corona pissutigalugu angerlarsimaannassaguit

Ulluni makkunani coronap tuniluuteruttulerfiani apeqqutigineqallattaajuarpoq angerlarsimaannaqqusaasut aningaasaqarnikkut sunik pisinnaatitaaffeqarnersut. SIK-mit akissut naatsumik oqaatigalugu imaappoq:

Corona pissutigalugu angerlarsimaannarneq nappaammik allamik pissuteqarluni sulinnginnermut assersuunneqarsinnaavoq.

Aningaasatigut sunik pisinnaatitaanersutit apeqqutaavoq qaammammusiaqarlutit imaluunniit nalunaaquttap-akunnermusiaqarlutit sulinersutit.

Qaammammusiaqaraanni:

  • Ulluni angerlarsimaannartariaqarfigisanni akissarsiaqassaatit.


Nalunaaquttap-akunnermusiaqaraanni:

  • Ulluni angerlarsimaannartariaqarfigisanni akissarsiaqartussaatitaanngilatit.
  • Kisianni suliffeerunnermi ikiorsiissutinik pisinnaatitaavutit (suliffeerunnermi ikiorsiissutit pillugit inatsimmi piumasaqaataasut naammassigukkit).
  • Pisortani suliffeqaruit aammattaaq napparsimanersiuteqarsinnaatitaavutit. Namminersortuni suliffeqaruit taamatuttaaq napparsimanersiuteqarsinnaavutit malittarisassat aalajangersimasut naapertorlugit. Tamanna isumaqatigiissutini illit atorfinitsitaaninni atorne­qar­tuni allassimassaaq.


Suliffeerunnermi ikiorsiissutit
 kommunimut qinnutigineqassapput, napparsimanersiutit sulisitsisumut qinnutigineqassallutik.

Pisinnaatitaaffinnut tunngasut nalornissutigigukkit SIK-mut saaffiginnissinnaavutit telefonimut 32 21 33-mut imaluunniit e-mailimut uunga: sik@sik.gl

Aamma allaaserisaq “Sulisitsisoq corona pillugu sunik paasitinneqassanersoq” atuarsinnaavat una toorukku

► Una tooruk imminut misissorsinnaaneq aamma PCR-imik misissortissinnaaneq pillugit paasissutissat corona pillugu nittartakkamiittut atuarumallugit