Sulisartut coronamut tunngasutigut pissusissamisoortumik apeqqutigerusulertagaat arlaqartut SIK-p inatsisilerituuata misissoqqammerpai. Akissutit uani atuarneqarsinnaapput.
Coronamut akiuussusertissimanersunga sulisitsisuma paasiumasinnaavaa?
Sulisitsisup coronamut (covid-19-imut) akiuussusertissimanersutit paasiumallugu piumasarisinnaanngilaa. Suliassaqarfiilli ilaanni (soorlu peqqinnissaqarfimmi) sulisitsisoq tamatuminnga paasitinneqarnissaminik kissaateqarsinnaassaaq.
Sulisitsisora oqarfigissavara coronamik napparsimagama angerlarsimaannartariaqarlunga?
Sumilluunniit nappaateqaraluaruit pisussaatitaanngilatit sulisitsisut oqaluttuutissallugu suna nappaatiginerlugu – aammami tunngaviusutigut imaappoq sulisitsisoq aperisinnaatitaanngitsoq sooq napparsimanersutit taamalu angerlarsimaannartariaqartutit. Taamaattorli sulisitsisut ilisimatittariaqarpat coronamik napparsimagavit angerlarsimaannartutit – taamaalillutik sulisitsisut suleqatitillu periarfissaqarniassammata nappaatip tuniluuteqqinnissaanik pinaveersaartitsinissaminnut.
Misissortinnermi tunillanneqarsimaninnut uppernarsaatissamik sulisitsisoq takusaqarumasinnaava?
Tunngaviusutigut naamik. Allamik nappaateqarnertulli sulisitsisoq nakorsamit uppernarsaammik piumasaqarsinnaavoq.
Taamaattorli tulluartuussaaq ajornanngippat sulisitsisoq misissortinnerup kingunerisaanik tunillatsissimanermut uppernarsaatissamik takutitsivigissagukku, tamanna sulisitsisup kissaatigippagu.
Corona sulinermi ajoqusernertut taaneqarsinnaava?
Coronamik nappaateqarneq erseqqissumik nalilersuereernikkut sulinermi ajoqusernertut akuerineqarsinnaavoq.Sulinermi ajoqusernertut akuerineqartissagukku uppernarsartariaqarpat coronamik nappaateqarsimallutit – tamannalu suliffinni sulitillutit tunillatsiffigisimallugu. Sulinerli pissutigalugu nappaatigilersimanerlugu uppernarsaruminaassinnaavoq.
► Una tooruk aamma allaaserisaq “Corona pissutigalugu angerlarsimaannassaguit” atuarumallugu