Tallimanngornermi 2. oktobari 2026 nal. 13.00 SIK-p Sulinngiffeqarluni Angalanermut Aningaasaateqarfiata angalanissanik makitsinera Facebookikkut toqqaannartumik aallakaatinneqassaaq. Taamaalilluni ukiut tamaasa pisartoq inunnillu maluginiarneqartaqisoq piumagaanni malinnaaffigineqarsinnaassaaq.
Pisussaq SIK-p Facebookia iserfigalugu malinnaaffigineqarsinnaassaaq (SIK ujaasiffikkut allallugu). Internetbrowserikkut iserfiginiaraanni url-adresse https://www.facebook.com/sulisartut tuugassaavoq.
2027-mi makitsinikkut angalanissanik makitsinermut peqataajumalluni ukioq manna piffissami 15. juunimit 1. septembarimut qinnuteqartoqarsinnaasimavoq. Ilaqutariit inuillu ataasiakkaat 1.688-it qinnuteqarsimapput. Qinnuteqartullu maanna misissorlugillu immikkoortiterneqarsimalerput piumasaqaatit atuuttut tunngavigalugit. Tassalu oktobarip ulluisa aappaanni piumasaqaatinik eqqortitsisut 2027-mi angalanissanik makitsivigineqassapput.
Makitsinermi pisarnertut najuutissapput sulisut sinniisaat qaaqqusat kredsretimilu eqqartuussisoq.
Makitsinikkut angalanerit SIK-p feriefondiata aningaasaliiffigisartagaasa malittarisassai uani atuarneqarsinnaapput: https://sik.gl/sik-pillugu/aningaasaateqarfiit/sulinngiffeqarluni-angalanermut-aningaasaateqarfik/makitsinikkut-angalanerit/