Qaanaami SIK-p peqatigiiffiani siulittaasoq Pualuna Kivioq innuttaasunik oqaloqatiginnikkusuttunik qaaqqusivoq sisamanngornermi oktobarip 22-ani 2026 Innuttat Illuanni nal. 13.00-imit 16.00-imut.
Ilaasortat ataasiakkaat Pualunamut saaffiginnissutissaqarunik aggersinnaapput. SIK-p Isumaginninnermut Aningaasaateqarfii aamma soraarnerussutisiassanik aningaasaateqarfik SISA pillugit paasissutissiissamaarpoq, ilaasortanngorusuttullu tikilluaqqusaapput, ilaasortanngornermi immersugassanik piareersimatitsisoqarumaarluni.
Tamanna iluatsillugu eqquiniaasitsisoqarniarpoq, normunik makitassanik aallertoqarsinnaalluni, makitsisoqarumaarlunilu nal. 16.00 gavekortinik 500 kr.-inik nalilinnik tallimanik.
Taasariaqarportaaq SIK-ip isumaqatigiissutai malillugit sulisuusut sinniisaat marlunngornermi oktobarip 20-ani nal.13-imit Innuttat Illuanni ataatsimiittussaammata. Tassani ilaatigut ilaasortaqarneq pillugu paasissutissiisoqarumaarpoq, kattuffimmi pissutsit oqaluttuarineqassallutik aasaq Nakkutiliisoqarfiup ataatsimiinneranit imaqarniliaq tunngavigalugu kiisalu isumaqatigiissutit nutaat ilisimatitsissutigineqassallutik.
Asseq qulaaniittoq: Qaanaami SIP-mi siulersuisuusimasut – saamerliulluni maanna siulittaasuusoq Pualuna Kivioq.