SIK nunatsinnilu sulisut kattuffii angisuut allat sisamat USA-p præsidentiata Kalaallit Nunaannik tiguserusuttuarneranut paatsuugassaanngitsumik akerliliipput.
Sulisut kattuffisa taakku ilaasortatik kajumissaarpaat ataatsimooqqullugit pissutsinilu taamaalersimasuni tapersersoqatigeeqqullugit.
SIK-p siulittaasua Jess G. Berthelsen taamatuttaaq qaammammi uani oqaaseqaatimini marlunni Naalakkersuisunut tapersiivoq taakku Trumpip piumasaqaqattaarnerinut erseqqissumik naaggaarmata.
Quppernermi maani assit arfininngornermi 17. januaari 2026-mit pisuupput Nuummi inuppassuit akerliussutsimik takutitsimmata, isummat sulisut peqatigiiffiinit saqqummiunneqartut assinginik suaartaateqarlutik. SIK-p siulittaasua soorunami aamma ingerlaaqatigiinnut akuuvoq.
Sulisut kattuffiisa tallimaasut ataatsimoorlutik oqaaseqaataat uani atuaruk:
► Nunarput asangaagarput ataatsimoorfigisariaqarparput
SIK-mit oqaaseqaatit uani atuakkit:
► Kangusuppunga nunarput asangaagarput ataatsimoorfigisinnaannginnatsigu
► Naalakkersuisuvut ataatsimoorluta tunuliaqutsersortigit
