Aggustip aallaqqaataani 2023 SIK-p allattoqarfiani nutaanik marlunnik sulisoqalerpoq. Tamatumalu peqatigisaanik siunnersortit isumagisassaat agguataaqqinneqarput.
Siunnersortitut atorfinitsinneqartut nutaat tassaapput Linda Christensen aamma Eva Davidsen. Taakku tamarmik Nunatsinni Eqqartuussivimmi sulisuusimapput.
![](https://i0.wp.com/sik.gl/wp-content/uploads/2023/08/Linda-Christensen-web-original.jpg?fit=320%2C426&ssl=1)
Linda Christensen
![](https://i0.wp.com/sik.gl/wp-content/uploads/2023/08/Eva-Davidsen-web-original-kopier.jpg?fit=320%2C426&ssl=1)
Eva Davidsen
Linda Christensenip isumaginninnermut aningaasaateqarfiit sammisarissavai – soorlu peruluutaasumik napparsimasut ilaquttaminnit ingiaqatigineqarnissaannik qinnuteqaataasartut suliarisassallugit.
Eva Davidsenip ilaasortanut ataasiakkaanut tunngasunik suliassat ingerlatseqataaffigissavai – aammalu peqatigiiffinnut suliffinnilu Avannaata Kommunianiittuni aamma Kommune Qeqertalimmiittuni sulisut sinniisaannut attaveqaataassalluni.
Nutaanik atorfinitsitsineq iluatsillugu SIK-p allattoqarfiani sulisooreersut ilaasa suliassaqarfii iluarsineqarput:
Dorthea Josefsenip isumaginninnermut aningaasaateqarfiit feriefondilu tamaasa nakkutigisarisimallugit maanna feriefondimut tunngasuinnaat suliarilissavai. Sofie Svendsen isumaqatigiissutilerisuusoq aamma SIK-p Inuusuttaanut tunngasunik sammisaqalissaaq. Aammalu Axel Lund Olsen ilaasortanut ataasiakkaanut tunngasunik sammisaqarunnaarluni ilinniartitaanermut suliffeqarnermullu kiisalu suliffigissaanermut tunngasunik suliaqalissaaq.
► Una tooruk SIK-mi sulisuusut suliassaallu pillugit paasissutissat takujumallugit